Apeli konfiskon 25 pasuritë miliona euro, të vëllait të deputetit demokrat Kasëm Mahmutaj
Merret vendimi i formës së prerë, familja Mahmutaj në Berat nuk justifikoi dot burimet e ligjshme të 7 apartamenteve apo shtëpive, trojeve të shumta, hotelit, shtypshkronjës dhe disa makinave apo bizneseve të ndryshme. OFL kishte nisur procedim ndaj Gazmend Mahmutajt, i dënuar në Itali për drogë dhe prostitucion, i mbrojtur nga Fatmir Mediu në vitin 1998, si pjesë e delegacionit të deputetëve shqiptarë në Milano
Drejtësia konfiskon 25 pasuritë e vëllait të deputetit demokrat të Beratit dhe ia kalon të gjitha asetet me vlerë miliona euro, buxhetit të shtetit. Bëhet fjalë për Gazmend Mahmutaj, vëllai i Kasëm Mahmutajt, ligjvënësit të Partisë Demokratike dhe kryetari Republikan i degës në qytetin e gurtë prej më shumë se dy dekadash. Apeli i GJKKO përfundimisht ka lënë në fuqi vendimin e shkallës së parë, për konfiskim, teksa ligjvënësit i është lënë në pronësi vetëm banesa ku jeton sipas ligjit. Më kërkesë të SPAKut, Gjykata e Posaçme vendosi konfiskimin, për shkak të vëllait të deputetit, Gazment Mahmutaj, i cili ka qenë subjekt i OFL-së, si i dënuar në Itali për narkotrafik, ku po vuan burgimin. Kjo është hera e parë që SPAK i konfiskon pasurinë një deputeti. Vendimi është marrë nga treshja gjyqtare Nertina Kosova, Dhimitër Lara dhe Daniela Shirka.
Pasuritë e konfirmuara janë 7 apartamente, troje, pesë ndërtesa në proces legalizimi, 4 makina, si dhe pesë kompani, ku përfshihen një shtypshkronjë, hotel, studio fotografike etj. Pasuritë e konfiskuara ishin në emrin e vetë subjektit Gazment Mahmutaj, vëllait të tij Kasem Mahmutajt, që është edhe deputet i PD-së dhe vëllait tjetër Behar Mahmutaj. Disa pasuri kishin kaluar edhe në emrin e kunatave. Pasuritë e konfiskuara i kalojnë shtetit shqiptar, ndërsa sipas legjislacionit në fuqi Kasëm Mahmutajt nuk i rrezikohet mandati i deputetit. Në ‘luftën’ brenda PD-së, Mahmutaj deri më tani ka qenë i rreshtuar me Lulzim Bashën, por më datë 30 prill mori pjesë në Kuvendin Kombëtar të thirrur nga Sali Berisha.
Objekt i SPAK-ut ishin pasuritë e Gazment Mahmutajt, subjekt i OFL, që kërkoi justifikimin e pasurisë së tij pasi ishte dënuar me burg për trafik droge dhe shfrytëzim prostitucioni nga drejtësia italine. I lidhur me emrin e tij ka qenë edhe kreu i Partisë Republikane, Fatmir Mediu, pasi sipas Gjykatës së Apelit në Milano, me një vendim të 23 prillit 2000, Mediu, në emër të Parlamentit shqiptar, ka favorizuar të kërkuarin nga drejtësia italiane, pikërisht Gazmend Mahutajn, për të kaluar tranzit nga vendi ynë drejt shtetin fqinj, me emër të rremë (Raqi Gjoni). Më 18 nëntor 1998, Gazmend Mahmutaj, një personazh i njohur i botës së krimit në Berat, ishte duke kaluar tranzit në aeroportin “Malpensa” në Milano, bashkë me një grup parlamentarësh shqiptarë që shkonin për në Parlamentin Europian, në një konferencë për krimin e organizuar. Mahmutaj, e dinte që ishte në kërkim nga autoritetet italiane, ndaj u paraqit në Milano me një dokument të falsifikuar me emrin Raqi Gjoni. Në fakt në delegacionin zyrtar brenda të cilit ishte ‹›përfshirë›› edhe Gazmend Mahmutaj, kishte edhe politikane të tjerë dhe madje edhe një gazetare. Akuza ndaj Mediut ka qene se ndryshe nga të tjerët, ndërhyri për t’i kërkuar policisë italiane me çfarë akuze anëtari i delegacionit u ndalua. Me një vendim nga Gjykata e Lartë, Mediu u shpall i pafajshëm më vonë, por jo më shumë lehtësi.