Apeli rikthen në qeli ish-deputetin Alqi Bllako, riprangoset në sallë
Nukzgjatmëshumëse34ditëliriaepjesshmemearrestshtëpiakeish-sekretarittëpërgjithshëmtëMinistrisësëMjedisit,qëakuzohetpërinceneratorineFierit,nëkorrupsiondhefalsifikim,bashkëmeish-eprorinLefterKoka.Ipandehuridheavokatisurprizohen,ishintëpranishëm nësallë.Vendimiishkallëssëparëshpalletipaligjshëm,pranohetkërkesaeSPAK
Nuk ka zgjatur më shumë se pesë javë liria e pjesshme e ish-deputetit socialist dhe ish-sekretarit të përgjithshëm të Ministrisë së Mjedisit. Gjykata e Posaçme e Apelit Kundër Korrupsionit dhe Krimit të Organizuar ka rikthyer dje në qeli Alqi Bllakon, të cilit uniformat blu ia vendosën prangat në sallën e gjyqit, megjithë kundërshtimet e avokatit mbrojtës se vendimi ishte i padrejtë dhe me dy standartë. Ish-zyrtari qendroi në arrest shtëpie për 34 ditë, pasi e njëjta gjykatë zbuti masën e sigurisë për shkaqe shëndetësore dhe familjarë. Bllako akuzohet nga SPAK për shpërdorim detyre dhe falsifikim dokumentesh, në lidhje me dosjen e inceneratorit të Fierit, të vlerësuar me një dëm prej 140 mijë eurosh ndaj të pandehurit, ekuivalente me apartamentin që SPAK-u tashmë i ka sekuestruar. Bllako nuk e ka pranuar asnjëherë akuzën, duke thënë se nuk kishte asnjë kompetencë vendimmarrjeje për çështjen..
“Gjykata e Posaçme e Apelit për Korrupsionin dhe Krimin e Organizuar me trupin gjykues monokratik të përbërë nga gjyqtarja Iliriana Olldashi, sot më datë 09.11.2022 shpalli vendimin lidhur me çështjen nr. 180 akti, datë 04.11.2022 regjistrimi, në ngarkim të personit nën hetim A.B., mbi ankimin e paraqitur nga Prokuroria e Posaçme kundër Korrupsionit dhe Krimit të Organizuar kundër vendimit nr. 382, datë 06.10.2022 të Gjykatës së Posaçme të Shkallës së Parë për Korrupsionin dhe Krimin e Organizuar, dhe vendosi: Ndryshimin e vendimit nr. 362 datë 06.10.2022 të Gjykatës së Posaçme të Shkallës së Parë për Korrupsionin dhe Krimin e Organizuar, duke vazhduar masën e sigurisë “arrest në burg”, thuhet në verdiktin e djeshëm. Alqi Bllako u arrestua më 31 mars 2022, me urdhër të SPAK, pasi akuzohet se në kohën kur postin e sekretarit të Përgjithshëm të Ministrisë së Mjedisit, në bashkëpunim me ish-ministrin Lefter Koka, i arrestuar prej një viti dhe ish-kryetarin e Komisionit të Shpronësimit, Pëllumb Abeshi, po i pandehur, kanë falsifikuar dokumentin në lidhje me sipërfaqen e tokës ku u ndërtua inceneratori i Fierit, duke i shkaktuar dëm buxhetit të shtetit prej 16 milionë lekësh. Bllako u lirua nga burgu rreth një muaj me argumentin se kishte fëmijët e mitur dhe bashkëshortja ishte në punë dhe duhet të kujdesej për ta. SPAK këmbënguli se “nuk ekzistojnë kushtet për ta liruar”. Kurse sipas avokatit të Bllakos, Sokol Hazizaj, kërkesa e lirimit nga qelia u bazua mbi faktin se klienti i tij është baba i tre fëmijëve të mitur, të cilët “kanë nevojë për kujdesin e tij”. Bllako u vetëdorëzua në polici më 1 prill të këtij viti dhe lirua përkohësisht më 6 tetor.