Historia e gjeneralit që kundërshtoi të firmoste për kalimin e klubit Partizani te Malltezi
Sipas dosjes së SPAK, nga viti 2005 deri në vitin 2009, ish-kryeministri Berisha angazhoi strukturat shtetërore për të privatizuar dhe kaluar në duart e familjarëve të tij pronën shtetërore ish-Klubi Partizani.
Koha tregoi më pas se kushdo që ndihmoi në këtë aferë të familjes Berisha njësoj si në “biznesin” e Gërdecit bëri karierë në shtetin dhe PD e drejtuar nga Berisha.
Nga të paktët që doli kundër makinerisë së Sali Berishës në atë kohë ishte Gjenerali Vladimir Qirjazi, i cili u kërcënua, shantazhua, transferua dhe më pas u shkarkua.
Nga dokumentet e nxjerra prej hetimit të SPAK, rezulton që Sali Berisha përdori ministrin e Mbrojtjes dhe zyrën anti korrupsion në Kryeministri, për t’u bërë presion ushtarakëve që rezistuan të përfshiheshin.
Bie në sy mes emrave të zyrtarëve të implikuar edhe Oerd Bylykbashi, sot zëvendës i Berishës te lëvizja politike Rithemelimi.
Ai ishte në krye të një zyre antikorrupsion të krijuar nga Berisha në vitin 2006 dhe shërbeu për aktin e fundit të përmbylljes së aferës “Klubi Partizani”.
Pasi krahu ushtarak në ministrinë e Mbrojtjes po refuzonte të firmoste, Bylykbashi
ushtroi një kontroll shantazhues në Shtabin e Përgjithshëm të Ushtrisë të cilin e konceptoi dhe përgatiti Ilir Kadiu.
Ky i fundit është punësuar në drejtorinë që drejtohej nga Oerd Bylykbashi prej Jamarbër Malltezit dhe më skandalozja ishte edhe vetë trashëgimtar te trualli i “Klubit Partizani” e cila në fakt u ishte paguar njëherë nga Italia fashiste.
Oerd Bylykbashi i cili natën e arrestimit të Jamarbër Malltezit dhe marrjen si të pandehur të Sali Berishës u shfaq si avokat i tyre, rezulton se e ka kryer me sukses detyrën.
Pas kontrollit të tij “antikorrupsion” u shkarkua kreu i Komandës Mbështetëse gjeneral Vladimir Qirjazi i cili refuzonte lëshimin e pronës shtetërore.
ndalimit të një deputeti (i cili, po sipas ligjeve të aprovuara prej tyre nuk mban përgjegjësi për ato që ai/ ajo thotë në Parla-pa-ment) është ngritur si “një furtunë në gotë!
Pa i përmendur asnjë moment emrin Saliut, mjeku i njihur shton se për sa kohë pretendojmë privilegje e përjashtime për dikë, nuk mund ta konsiderojmë veten shoqëri demokratike.
“KUSHTETUTA nuk mundet të jetë një copë letër mbi të cilën, gjithësekush nga ne qoftë ai edhe deputet, të shkruajë çfarë të dojë dhe kur të dojë ai. Shkelja e “shënjtërisë” së saj pa një REFERENDUM mbarëpopullor, duhet të mbrohej dhe të mbrohet në çdo dekikë nga secili prej nesh.
Për faqen e mantel-bardhësinë time këtë gjë unë e kam bërë dhe do ta bëj kurdoherë! Ligji është i barabartë për të gjithë dhe të gjithë NE pa as më të voglin përjashtim, sidomos për Ligjbërësit e Ligjvënësit tanë. Ne të gjithë si shtetas të Shqipërisë së këndej Drinit duhet të jemi të barabartë para tij. Privilegjet e përjashtimet ligjore janë elementë të një shoqërie jo demokratike. Together forever!” – shkruan Kalo.