Ulet norma e interesit për kredi në lekë, rënia më e madhe prej më shumë se një viti
Në muajin gusht kreditë për shtëpi në lek bëhen më të lira. Sipas BSH norma mesatare e interesit për kreditë në lek zbriti në 3.89% nga 4.04% që ishte në korrik duke shënuar dhe vlerën më të ulët të normës mesatare për kredi për shtëpi brenda një viti.
Norma mesatare e interesit filluan duke zbritur gradualisht në muajin nëntor të 2022, ku niveli mesatar ishte 4.99%, dhe aktualisht qëndrojnë ndjeshëm, nën mesatare me mbi 1% diferencë.
Por çfarë ndikoi në këtë trend? Frenimi i rritjes së normës së interesit nga Banka Qendrore si masë frenuese për të kontrolluar inflacionin. Konkretisht rrënja e normës së yeldeve të Bono Thesarit, mjeti financiar që qeveria merr borxh nga investitorët dhe premton të paguaj interes, përcaktohet si referencë e kredive afatgjata për prona të patundshme.
Normat e interesit për kredi me norma të ndryshueshme interesi janë të lidhura me ecurinë e yeldeve 12-mujore, pasi janë përcaktuese të normës.
Gjatë këtij viti yeldet e bono thesarit kanë pësuar rrënjë duke zbritur shumë afër normës bazë së interesit.
Zbritje pësoi edhe norma e interesit për kreditë ne euro, të cilat në muajin gusht për kreditë e reja norma zbriti në 4.97% nga 5.32% që ishte në korrik.
Sipas BSH në fund të muajit gusht portofoli kredisë për blerjen e pasurive të paluajtshme nga individët arriti në 176 miliardë leke ose 1.66 miliardë euro.
Krahasuar me një vit më parë portofoli është rritur me 8.7% ndërsa krahasuar me tre vjet më parë është rritur me 42.8% duke treguar kështu një rritje domethënëse të kërkesës për kredi nga blerësit e pronave.
Ndërkohë bankat po vijojnë te ofrojnë kushte tërheqëse për këtë produkt, sidomos periudhën fillestar me norma fikse interesi.
Kredia për shtëpi është një produkt qe rrit portofolet afatgjata te bankave dhe shpërndajnë mirë rrezikun e kredisë. Kredia për shtëpi është gjithashtu ndër produktet më cilësore pasi mbartin raportin më të ulët të kredive me probleme.
Drejtoria e Përgjithshme e Transportit Rrugor po shqyrton praktikën gjermane për uljen e moshës për dhënien e patentës.
Sipas kësaj praktike, patenta mund të merret që në moshën 17-vjeçare, por është kusht që shoferi gjatë drejtimit të makinës të shoqërohet nga një familjar me historik korrekt drejtimi mjeti. Ka qenë vetë DPSHTRR që e ka ndarë këtë informacion, duke thënë se po shqyrtohet kjo mundësi, por ende nuk ka një vendim.
Nëse kjo praktikë e re do të vihet në jetë atëherë do të rriten orët e guidës në Autoshkolla për praktikantët. Në takimin me zyratrët gjermanë, DPSHTRR njofton se është diskutuar edhe mbi tarfiën që paguhet për kryerjen e kursit të patentës.
Ndërkohë, që është nënshkruar marrëveshje mes dy shteteve për bashkëpunimin në aktivitete të forcimit të sigurisë rrugore dhe edukatës mbi trafikun dhe shfrytëzimit të rrugës!
“Mirëpritëm me kënaqësi të veçantë Z. Oliver Luksic, Sekretarin Parlamentar të Shtetit dhe Koordinatorin Federal për Logjistikën dhe Transportin e Mallrave në Gjermani, Z. Guido Zielke, Drejtor i Përgjithshëm i Trafikut Rrugor dhe Transportit të Ministrisë Federale Gjermane të Digjitalizimit dhe Transportit, si edhe Z. Sebastian Peter këshilltar i Z. Oliver Luksic.
Pas njohjes së konvertimit të patentave me shtetin Gjerman, takohemi sërish me kolegët tanë, për shkëmbimin e eksperiencave mbi përfitimin e lejeve të drejtimit në shtetet respektive, e ku ndër të tjera pala Gjermane vlerësoi punën e DPSHTRR për praktikat e ndjekura dhe për risitë e masave për drejtuesit e rinj, në aspektin e rritjes së sigurisë në rrugë dhe impaktit në uljen e aksidenteve. Me interes të veçantë u ndalëm në temën e praktikës pozitive gjermane për ta ulur moshën e marrjes së lejedrejtimit në 17 vjeç, me kusht shoqërimin gjatë ngjarjes së mjetit nga një familjar me historik korrekt drejtimi mjeti, duke rritur orët në timon në kushte sigurie për shoferët e rinj, si edhe mbi temën e tarifave të Autoshkollave, ku ishim në një mendje se rregullimi nis nga garantimi i kostove dysheme dhe mbrojtja e tregut nga spekulimi e evazioni fiskal! Ramë dakort që të bashkëpunojmë për këto dy aspekte veçanërisht!
Gjithashtu, diskutuam edhe mbi Programet e Sigurisë Rrugore, eksperiencën mbi projekte të normave të sjelljes në qarkullim, ndihmë në ngritjen e sektorit shqiptar të Homologimit të mjeteve rrugore dhe për shkëmbimin e të dhënave mjete-drejtues mjetesh mes dy vendeve, trajnime e specializime specifike për përmirësime në praktika e shërbime, digjitalizim e harmonizim. Takim ky, për t’u finalizuar me firmosjen e marrëveshjes mes dy shteteve për bashkëpunimin në aktivitete të forcimit të sigurisë rrugore dhe edukatës mbi trafikun dhe shfrytëzimit të rrugës”, njofton DPSHTRR.