Rama: “OK” imunitetit, por pranoni propozimet tona
Heqja e imunitetit të zyrtarëve të lartë përplas opozitë- mazhorancë PD: PS të votojë në 6 gusht imunitetet, jo pazare
ështja e imunitetit të zyrtarëve të lartë dhe deputetëve përplasi sërish dje dy partitë kryesore. Në një deklaratë për shtyp, PD, përmes zëdhënëses së saj, Silvi Bardhi i bëri thirrje kreut të opozitës Edi Rama që të votojë heqjen e imunitetit në datën 6 gusht dhe të mos kërkojë pazare politike. Por, menjëherë pas kësaj deklarate reagoi kreu i opozitës, Rama, në ‘ Twitter’. “Qëndrimi ynë për imunitetin është i qartë: Jemi Pro, po vetëm pasi të diskutohen të gjitha ndryshimet që kemi propozuar mbi një vizion reformues”, shkroi dje, Rama. Lidhur me reagimet e PD- së ai i komentoi si të neveritshme. “Çfarë neverie, përsëri sot propaganda e Saliut për imunitetin! Kërkon konsensusin e opozitës, duke përgojuar deputetët tanë e tallur shqiptarët”, shkruan Rama, në ‘ Twitter’. Kryetari socialist përsëriti edhe dje, qëndrimin e një dite më parë, kur në kuvend po diskutohej edhe me ndërkombëtarët çështja e imunitetit. Në deklaratën e saj, zëdhënësja e PD- së thekson se: “Përfaqësuesit e institucioneve ndërkombëtare pohuan në mënyrë të përsëritur se amendamentet e paraqitura në Kuvend nga Grupi Parlamentar i Partisë Demokratike, pasqyronin plotësisht dhe besnikërisht, projektet e hartuara nga ata në bashkëpunim të ngushtë me për- faqësues të institucioneve kryesore dhe shoqërisë civile të vendit në një proces të hapur që debatohet tani së fundi prej 1 viti, por në të vërtetë prej vitit 2003”. Por, sipas saj, “në një akt dësh- përimi diktuar nga këshilli i miliarderëve, pikërisht kur të ftuarit në seancën e dëgjimit të Parlamentit po mbështesnin në unison rrëzimin e murit të imunitetit, zoti Rama deklaroi se ai nuk pranon këto qëndrime dhe kërkon si pazar për votimin e tyre, vendosjen në Shqipëri të Kushtetutës së pakicës bllokuese apo Kushtetutës së sundimit të pakicës”. “Ai e ilustroi këtë me procesin e zhvilluar në zyrat e tij për postin e Avokatit të Popullit, të cilin për pazare e la bosh për dy vite me radhë”, nënvizoi, zëdhënësja e PD- së. Pra, shtoi ajo, për rrëzimin e murit të imunitetit, këshilli i miliarderëve kërkon të vendosë në zyrat e Fidelit, Presidentin e Republikës dhe Kryetarin e Gjykatës së Lartë dhe atë të Gjykatës Kushtetuese dhe të gjithë gjykatësit e tyre, Prokurorin e Përgjithshëm dhe Kryetarin e Kontrollit të Lartë të Shtetit, në mënyrë që kjo Kupolë të ketë të garantuar pasurimin e tyre të paligjshëm, dhe pavarësisht se për cilën forcë politike votojnë qytetarët, ata të bëjnë ligjin me Kushtetutën e sundimit të pakicës. “Partia Demokratike i bën thirrje dhe një herë z. Rama: Dëgjoje zërin e qytetarëve shqiptarë që duan barazi para ligjit me zyrtarët e tyre, të dëgjojnë zërin e të papunëve, pensionistëve të vendit, mbi të cilët muri i imunitetit vjen i rëndë sa toka dhe të votojmë së bashku me 6 gusht heqjen, apo sipas rastit, kufizimin e imunitetit si një histori suksesi për çdo qytetar të këtij vendi”, u shpreh zëdhënësja e PD- së.