BSH, nesër ankandi i bonove të thesarit për qytetarët
Financat: Bonot e thesarit e obligacionet, forma më e sigurt e investimit Letrat me vlerë në euro, me afat maturimi 12 muaj
Zhvillohet nesër An kandi i Bonove të Thesarit me afat maturimi 12- mujor në EURO në Bankën e Shqipërisë, i cili trumbetohet prej javësh nga ana e Ministrisë së Financave si një mënyrë shumë e mirë ku qytetarët të investojnë kursimet personale. Kësaj here, qeveria shqiptare ka vendosur t’i drejtohet tregut të brendshëm për të siguruar borxh në euro përmes një ankandi i cili duket se ka si target kryesor emigrantët që kthehen masivisht në këtë periudhë në vend për të kaluar pushimet. Ndërsa norma e fitimit të këtyre bonove do të mësohet vetëm nesër, pas ankandit, me shumë gjasa ajo do të jetë më e lartë se normat e depozitave që ofrojnë bankat tregtare. “Aktualisht kemi vetëm dy tre banka që ofrojnë për depozitat me afat maturimi një vjeçar norma interesi prej 7 %, dhe këtë përmes ofertash të posaçme sezonale. Në përgjithësi norma mesatare e interesit për depozitat një vjeçare është diku tek 6.2 6.4%. Ndërkohë që me shumë gjasa norma e interesit për bonot e ankandit të nesër do të jetë së paku 7.3 - 7.4%”, - thotë për “Gazetën Shqiptare” një ekspert Bankar.
INVESTIMI PËR QYTETARËT
Ndërsa ka qenë gjatë gjithë këtyre viteve një luks nga i cili përfitonin më së shumti bankat tregtare, kësaj here qeveria ka ndër mend të afrojë në tregun e bonove të thesarit sa më shumë qytetarë. Kjo kryesisht pasi tregjet financiare në Shqipëri u përballën në muajt e parë të vitit me një fenomen të pa ndodhur ndonjëherë më parë: Tërheqjen e disa bankave nga investimet në letrat me vlerë të qeverisë për shkak të detyrimeve të vendosura nga Autoriteti Bankar Europian. Një tërheqje e tillë nga ana e bankave e bëri qeverinë të hedhë sytë nga qytetarët për të financuar borxhin publik përmes blerjes së bonove të the- sarit. Kjo edhe për shkak të situatës së vështirë ekonomike, e cila ka ngushtuar marzhet e fitimit në të gjithë sektorët e ekonomisë gjë që e bën sektorin financiar një ndër të paktët që ofron kthime të larta nga investimet me marzhe risku praktikisht zero. Në një broshurë të publikuar së fundmi për të ftuar qytetarët të investojnë kursimet e veta në bono qe-
Nga ana tjetër, ajo që i bën bonot e thesarit një investim edhe më fitimprurës për momentin është norma më e ulët e inflacionit së shënuar përgjatë gjithë muajve të këtij viti, ndër më të ulëtat të regjistruara që nga viti 2004. Diçka e tillë rrit interesin real që një individ përfiton nga investimi në bono thesari. Sipas ekspertëve parashikohet që letrat me vlerë të qeverisë të mbeten një investim tërheqës edhe për gjysmën e dytë të vitit. Nga ana e vet Banka e Shqipërisë parashikon që norma e inflacionit me 90 për qind probabilitet do të vazhdojë të qëndrojë në kufijtë nga 0.7 deri në 2.8 për qind të paktën edhe për 8 muajt e ardhshëm, që do të thotë se normat e fitimit nga kjo formë investimi në të mbeten të lartë.