Tronditet Fushë- Kruja, eksploziv pranë policisë
Shpërthimi i katërt brenda një muaji, asnjë i arrestuar Pronarët e klubit nga Nikla, shoqërohen 10 vetë
TFUSHË- KRUJË ronditet sërish qyteti i Fushë- Krujës pasi për të katërtën herë brenda muajit janë dëgjuar shpërthime të fuqishme, ku objekt sulmi kanë qenë pikërisht pronarët e lokaleve të këtij qyteti. Tre herë radhazi në shënjestër të tritolit ka qenë një lokali lojërash fati i cili ndodhet në qendër të Fushë- Krujës dhe është pronë e disa banorëve nga fshati Nikël i Krujës. Shpërthimi, edhe pse ka ndodhur fare pranë policisë, ka qenë i pamundur identifikimi i autorëve, të cilët kanë mundur të hedhin eksplozivin dhe duke përfituar nga errësira janë larguar pa adresë. Nga burime zyrtare të policisë së qytetit, mësohet se shpërthimi ka ndodhur rreth orës 01: 40 pas mesnatës ku fatmirësisht brenda në lokal nuk kishte asnjë njeri. Sipas skicës paraprake nga kqyrja e vendit të ngjarjes mendohet se autorët e vendosjes së eksplozivit kanë mundur të hedhin lëndën plasëse e të largohen me shpejtësi duke i shpëtuar kështu edhe syrit të rojeve të lokalit. Policia e mbërritur në vendin e ngjarjes ka nisur të gjitha hetimet ndërsa ka shoqëruar të paktën 10 persona si të dyshuar, por ende nuk ka mundur të identifikojë autorët e mundshëm që kanë vendosur eksplozivin. Ndër katër rastet e shpërthimeve në qytetin e Fushë- Krujës, ky është i treti brenda këtij muaji që i vendoset eksploziv të njëjtës ndërtesë ku ndodhet bari i lojërave të fatit ndërkohë që mësohet se ka patur vetëm dëme materiale. Pas shpërthimit, forca të FNSH- së së Tiranës dhe të Durrësit të ardhur me urgjencë në Fushë- Krujë kanë kryer krehjen e zonës, por pa mundur të identi- fikojnë asnjë autor. Sipas burimeve zyrtare, kanë mbërritur edhe specialistë të antiterrorit të Drejtorisë së Policisë së Durrësit e të Tiranës, të cilët gjatë kontrollit kanë gjetur vetëm cigaren e duhanit që mendohet të jetë e autorit të vendosjes së eksplozivit. Ajo është sekuestruar dhe do i nënshtrohet ekspertizës, ndërsa vazh- dojnë të gjejnë gjurmë të tjera që do t'i çojnë drejt autorëve. Dëmet materiale nuk kanë qenë të shumta pasi autorët e vendosjes së eksplozivit kanë përdorur fitilin zjarrpërcjellës të shkurtër dhe lëndën plasëse e kanë hedhur nga distanca, kjo pasi vendi ku ishte vendosur eksplozivi ka qenë i rrethuar.