Degët me konkurs, pikët minimale dhe maksimale
AKP publikon tabelën e plotë për 46 programet e studimit Të dhënat për Tiranën dhe rrethet
Për të gjithë ata kandi datë, të cilët konkur ruan në një prej programeve të studimit, ku për t'u pranuar në universitet është i nevojshëm konkursi, Agjencia Kombëtare e Provimeve ka publikuar tabelën e plotë të pikëve minimale dhe maksimale për çdo fakultetet. Bëhet fjalë për programet e studimit Arkitekt dhe Arkitekt- Urbanist, pranë Fakultetit të Inxhinierisë së Ndërtimit, për programet e studimit në Universitetin e Arteve dhe në atë të Sporteve. Në total janë 46 programe studimi, ku për t'u pranuar në universitet është i nevojshëm edhe konkursi, ndërkohë që dhënia e tyre është mbyllur në datën 5 shtator.
TABELA
Në bazë të tabelës të publikuar, pikët minimale për degët Arkitekturë dhe Arkitekturë- Urbanist janë 0, ndërkohë që ato maksimale janë 70. Sipas udhëzimit të Ministrisë së Arsimit dhe Shkencës, rezultatet e konkursit për këto degë përbëjnë 60 për qind të pikëve totale, ndërkohë që pjesa tjetër përllogaritet nga pikët e Maturës Shtetërore. Krejt ndryshe ka qenë pragu minimal e maksimal për programet e studimit pranë Fakultetit të Artit Skenik, Fakultetit të Artit Figurativ dhe Fakultetit të Muzikës, në Universitetin e Arteve të Tiranës. Për të gjitha programet e studimit që iu përkasin këtyre fakulteteve pikët minimale ishin 30, ndërkohë që ato maksimale ishin plot 240 pikë. Edhe për Universitetin e Arteve Shkodër, pragu i pikëve minimale e maksimale është i njëjtë me atë të Tiranës. Për këto degë, konkursi zë një vend të konsiderueshëm, pasi pikët e fituara për- bëjnë 70 për qind të totalit të pikëve. Sipas kalendarit të përcaktuar nga MASH konkurset u zhvilluan nga data 27 gusht deri në datën 5 shtator. Këto data ishin në varësi të programeve të studimit.