Pandeli Majko: Nuk besoj se na drejtoi një mbret tradhtar e një diktator homoseksual
Ndërsa i qëndron sërish idesë së hedhur më herët, sipas së cilës Zogu me ikjen e tij nga Shqipëria e pushtuar më 1939, nuk e tradhtoi vendin, por tregoi hapur papajtueshmëri me fashistët, Majko vëren se më 1997, të gjitha partitë politike, i uruan mirësea
Në shtyp ka dy ditë që po lexoj his torinë time si " zogist"… Kush më njeh përfshi dhe zogistët e dinë që nuk jam i tillë! Ajo që më vjen keq, është se ky debat po vjen brenda logjikës së lojës së Kryeministrit aktual me historinë e Shqipërisë dhe shqiptarëve.
Ky debat filloi me deklarimin tim se largimi i mbretit Zog nga Shqipëria ishte akt juridik që zyrtarizoi pushtimin e Shqipërisë… Ironikja, është që kjo ishte thjesht një përsëritje e asaj që kam thënë edhe më parë! Duket se jemi në një situatë të " re"…! Pas kësaj pashë, që sipas disave, i kisha dalë në mbrojtje me këtë deklaratë një tradhtari, hajduti, vrasësi dhe ku dihet çfarë tjetër…
Si të mos mjaftonte kjo, Kryeministrit Berisha deklaroi se " i paska ardhur keq" që unë mund të bëhem " kurban" i mbretërisë"!?
Në vendin tonë gabimet përsëriten, pasi nuk ka kujtesë historike të ndërtuar në principe të qarta. Ajo që ka ndodhur është " kokëngrënia" dhe ndërtimi i të vërtetave të njëanshme të cilat prodhojnë keqpërdorimin e politikës mbi faktet dhe historinë.
Unë nuk jam historian! Por, di që Partia Demokratike e nisi rrugëtimin e saj si " Noliste"… U vendos edhe një bust i peshkopit patriot Fan Noli, për këtë arsye, midis godinës së Akademisë së Shkencave. Sot ai bust është lëvizur!...
Deputeti reagon ndaj kritikave, " të thuhet e vërteta për Zogun e Hoxhën"
Shpresoj që media ta ketë ende në arkivë mospranimin e familjes mbretërore dhe Leka Zogut në Aeroportin e Tiranës kur ai u kthye në vendlindje pas vitit 1992! Sigurisht urdhrin për këtë e dha dikush që ka kthyer mendjen sot!...
Në 1997, të gjitha partitë politike, përfshirë edhe republikanin Godo, ishin të pranishme për t'ia uruar mirëseardhjen Leka Zogut në Shqipëri në një nga sallat e Hotel " Rognerit". Unë isha aty me vendimin e Kryesisë së PSSH për të përfaqësuar qëndrimin miratues të saj. Në atë takim mungonte vetëm një parti. Kjo ishte Partia Demokratike.
Kush e propozoi referendumin për monarkinë si një çështje ende e hapur në tavolinën e partive në 1997? Një gjë është e sigurtë që PD dhe Presidenti i kohës ishin në pozitat e atij që " e pranoi" atë…
Mendoj se pavarësisht se çfarë ndodhi pas zgjedhjeve të 1997- ës me përplasjet përpara zyrave të KQZ- së mes policisë dhe turmës ku ishte edhe Leka Zogu i veshur ushtarak, çdokush që kuptonte " lojën" politike të atëhershme e dinte se kush ishte " mjeshtri" i këtij kurthi….
ZOGIZMI IM… titullohet shkrimi i deputetit të Partisë Socialiste hedhur në rrjetin social ' Facebook', si reagim ndaj kritikave që i janë bërë atij pas deklaratës për mbretin. Ndërsa i qëndron sërish idesë së hedhur më herët, sipas së cilës Zogu me ikjen e tij nga Shqipëria e pushtuar më 1939, nuk e tradhtoi vendin, por tregoi hapur papajtueshmëri me fashistët, ai vëren se më 1997, të gjitha partitë politike, përfshirë edhe republikanin Godo, ishin të pranishme për t'ia uruar mirëseardhjen Leka Zogut në Shqipëri në një nga sallat e Hotel " Rognerit". Më tej, ai kritikon Kryeministrin Berisha që në fillim nuk e pranoi Zogun dhe u hoq si ' nolist', ndërsa sot busti i këtij të fundit është hequr nga oborri i Akademisë së Shkencave dhe shefi i Qeverisë mbron mbretin. Ai nuk lë pa shigjetuar edhe LSI- në kur thotë se ' anëtarë të kësaj partie mbanin nga krahu në zbritjen nga avioni nënën mbretëreshë në 2002… Për të mos diskutuar pastaj faktin që po bashkëqeverisin... me Legalistët". Në fund Majko kërkon që të thuhet e vërteta për Mbretin Zog dhe Enver Hoxhën, ndërsa refuzon të besojë se në 100 vjet jemi qeverisur nga një mbret tradhtar e hajdut dhe një diktator i dyshuar si homoseksual.
Në 2002 dhe më pas ishte qeverisja socialiste ajo që hapi dyert për familjen mbretërore dhe dhënien e një statusi ligjor për të… Nuk kam dëgjuar " psherëtima" nga askush në atë kohë se po " rehabilitojmë vrasësit apo kolaboracionistët"…
Dikush nga LSI paska deklaruar se është me Luigj Gurakuqin dhe jo me Zogun! Me sa di, anëtarë të kësaj partie mbanin nga krahu në zbritjen nga avioni nënën mbretëreshë në 2002… Për të mos diskutuar pastaj faktin që po bashkëqeverisin... me Legalistët!
Në këtë histori tragjikomike ka një lojtar të vjetër që bën herë " mbrojtësin" e herë " sulmuesin". Ky është Sali Berisha! Ai e ka ditur se duke ngritur " lart" figurën e Zogut në të vërtetë absolute të historisë shqiptare do të zgjojë nervozizmin e shqiptarëve, të cilët mendojnë se 100 vjet shtet nuk është vetëm kaq! Ai e di këtë! Doktori dinak e di se kjo lojë për " pronësinë" e historisë nxjerr të fituar sidomos atë. E lodhur nga qeverisja, pas 22 vjetësh histori politike me ulje dhe ngritje, pyetja therëse për PD- në është se çfarë profili partie është ky grupim njerëzish që qeverisin Shqipërinë aktualisht?
Ambienti social i qeverisjes aktuale shqiptare është produkt i poskomunizmit dhe dyzimit të tij. Ajo me sjelljet e fundit ndaj të vërtetave të historisë shtetformuese të Shqipërisë na fton të vazhdojmë jetën e dyfishtë, që mendon ndryshe dhe flet ndryshe. Ky proces vjen e ngjizur nga një