Vrasja e kryekomisarit, zbardhet skema e krimit
I dyshuari, e kapi nga qafa kryepolicin dhe e qëlloi me pistoletë në brinjë Xhakja, grushta shoferit të Tahirajt
Zbardhet skema e vrasjes së kryeko misarit të Shijakut, Adem Tahiraj. Ilir Xhakja, e qëlloi nga afër me pistoletë shefin e komisariatit, disa sekonda pasi ky i fundit e kishte paralajmëruar të mos bënte rezistencë. Burime të besuara për “GSH” thanë se Xhakja, person me precedentë të theksuar kriminalë, ishte njoftuar nga nipi i tij, Ledjan Krasnaj, të cilin kryekomisari kishte urdhëruar ta shoqëronin në komisariat, pasi kishte mangësi në dokumentacion. Tahiraj kishte vendosur që në makinën e Krasnajt të udhëtonte shoferi i tij, por me të mbërritur aty Ilir Xhakja ka nisur ta godasë shoferin e kryekomisarit. Ky i fundit, e ka paralajmëruar t’i lënë të qetë për të bërë detyrën dhe ka qenë me armë në dorë. Pa hezituar Xhakja i është afruar babait të tre fëmijëve, e ka kapur për qafe dhe i ka ngjeshur pistoletën pas brinjëve, duke e qëlluar plot pesë herë, duke e lënë të vdekur në vend.
HETIMET E POLICISË
Ekspertë të policisë të cilët kanë rindërtuar skemën e ngjarjes, thanë se rreth orës 17 e 50 minuta të ditës së enjte, kryekomisar Adem Tahiraj ndodhej në makinën e shërbimit së bashku me shoferin dhe një punonjës policie në zonën e Katundit të Ri. Qëllimi i komisarit të Shijakut ka qenë kontrolli i automjeteve me mangësi në dokumentacion dhe shoqërimi i personave për armëmbajtje pa leje. Kryepolici dhe dy vartësit e tij kanë ndaluar një automjet tip “Opel” me xhama të zinj, në të cilin po udhëtonte 17- vjeçari Ledjan Krasnaj ( Krasniqi). Automjeti ka rezultuar me probleme edhe në dokumentacion. Në këto kushte, komisari vendos të bëjë shoqërimin e mjetit në mje- diset e policisë. Ai urdhëroi shoferin e tij që të hipte në makinën e të riut, me desti- nacion Shijakun. Por 17vjeçari ka njoftuar Ilir Xhakjan për shoqërimin e tij. Brenda një kohe fare të shkurtër Xhakja, me një makinë “Benz” me targa BG 145 HB është ndodhur në vendngjarje. Fillimisht Xhakja i është drejtuar shoferit të komisarit, të cilin, duke e ofenduar ka nisur ta qëllojë me grushta. Duke parë se si po dhunohej shoferi, komisari ka nxjerrë pistoletën e tij dhe i ka bërë thirrje Xhakjas që të hiqte dorë nga akti i tij. Në këto momente Ilir Xhakja i është afruar kryekomisarit, e ka kapur nga qafa me dorën e majtë, ndërsa me dorën e djathtë ka nxjerrë pistoletën, duke e vendosur tytën e saj në brinjën e uniformës blu, duke e shkrehur 5 herë me radhë. Plumbat i kanë shkaktuar vdekjen e menjëhershme Tahirajt. Xhakja dhe Krasnaj janë larguar nga vendi i ngjarjes. Ilir Xhakja u arrestua disa orë më vonë, në fshatin Shënavlash në Durrës, ndërsa nipi ndodhet në kërkim.
i
RIKTHIMI NË VENDNGJARJE
tij
Hetuesit janë rikthyer mëngjesin e së premtes në fshatin Katund Sukth, në vendin ku mbeti i ekzekutuar kryekomisar Tahiraj, për të kryer sërish veprime hetimore, që nuk ishin përfunduar për shkak të kohës së keqe dhe mungesës së ndriçimit në zonë. Edhe pse ekspertët qëndruan në vendin e ngjarjes deri në orët e vona, janë kthyer sërish atje për të këqyrur vendin dhe për të transportuar prej andej dhe automjetet. Ndërkaq, edhe dje në fshatin Katund Sukth prezenca e Forcave Speciale ishte tejet e madhe, për shkak se pranë vendit të ngjarjes ndodhet shtëpia e të dyshuarit Xhakja, si dhe e nipit të tij në kërkim, Ledjan Krasnaj.