Eprori: Adem Tahiraj, i papranueshëm me krimin

Drejtori

i policisë së Durrësit, Aleks Hajdari ka vlerësuar figurën e kryekomisar Adem Tahirajt. “Kryekomisar Adem Tahiraj ishte një punonjës policie i nderuar, korrekt dhe i papajtueshëm me krimin, i cili është vlerësuar gjithnjë për përkushtimin e madh dhe angazhimin serioz gjatë kryerjes së detyrës së tij, duke vënë gjithçka në shërbim të interesave të komunitetit dhe duke gëzuar respektin dhe mirënjohjen e të gjithëve. Garantojmë se do të jemi gjithmonë në krah të tyre, duke u përpjekur t’ua lehtësojmë sadopak dhimbjen e madhe të humbjes së njeriut të tyre më të dashur”, tha Hajdari.