Ndryshimet kushtetuese, PD rrëzon paketën e PS
KLD, Çefa: Jemi kundër. Gjykata e Lartë: Pro propozimeve EURALIUS: Hiqni më parë imunitetin
Me 16 vota kundër dhe me 11 pro, Këshilli për Legjislacionin rrëzoi dje paketën e propozimeve të Partisë Socialiste për ndërhyrjen në Kushtetutë. Megjithatë u vendos që paketa e PS- së të kalojë në seancë plenare për shqyrtim. Ndërkohë kreu i grupit parlamentar, Gramoz Ruçi ka garantuar se pavarësisht vendimit të maxhorancës për t’i rrëzuar amendamentet, opozita do ta votojë në seance heqjen e imunitetit. Në mbledhjen që zgjati mbi dhjetë orë morën pjesë përfaqësuesit e organeve kushtetuese, Këshilli i Lartë i Drejtësisë, Gjykatës së Lartë, Gjykatës Kushtetuese, OSBE- së, misioni i BE- së, EURALIUS- it, profesorë, konstitucionalistë dhe juristë. Përfaqësuesit e OSBE dhe EURALIUS theksuan se, ndryshimet kushtetuese kërkojnë kohë dhe një analizë të thellë e të kujdesshme. Eksperti i EURALIUS- it, Joaquin Urias tha se, diskutimi për reformën kushtetuese të modelit të drejtësisë, duhet të ndahet nga çështje të tjera që janë lënë pezull. “Në veçanti do të doja të theksoja reformën e sistemit të imunitetit për nëpunësit shtetërorë, e cila është një çështje e diskutuar për një kohë të gjatë me pjesëmarrjen e aktorëve të ndryshëm, përfshirë edhe EURALIUS- in. Sipas nesh, çështja e imunitetit është një gjë, që duhet të miratohet sa më shpejt që të jetë e mundur”, - u shpreh Urias. Ashtu si partitë politike dhe institucionet që preken nga ndryshimet kushtetuese të propozuara nga Partia Socialiste, kanë qenë të ndara në qendrimin e tyre. KLD u shpreh kundër zgjedhjes së anëtarëve të saj me 84 vota, ndërsa Gjykata e Lartë e sheh shumicën e cilësuar si zgjidhjen për të shmangur politizimin e gjyqtarëve. “Nëse prezumojmë situatë bllokuese nga Parlamenti, pra nëse nuk bihet dakord për zgjedhjen e anëtarëve, kjo sigurisht do të shkaktonte pengëse të drejtëpërdrejtë”, - deklaroi mes të tjerash nënkryetari i KLD- së, ElvisÇefa. Ndërsa për Gjykatën e Lartë votimi i gjyqtarëve me shumicë të cilësuar në Kuvend është i mirëpritur. “Në arsyetimin tonë një numër më i lartë deputetësh, praktikisht bëhet fjalë për 3/ 5 e tyre është një motiv me kriter për një zgjidhje konsensuale pozitë- opozitë. Si rrjedhojë, qasja përkatësisht do të ishte preferenciale ndaj kandidaturave jopartizane e për pasojë më të besueshme si institucionalisht ashtu dhe në sytë e publikut”, - deklaroi mes të tjerash, përfaqësuesja e Gjykatës së Lartë, Ornela Cuedari. Ndërkohë Prokuroria e Përgjithshme ka preferuar të mos asistojë në se-