" HEC Bistrica 1 dhe Bistrica 2", licencë furnizuesish të kualifikuar
Përmes
një vendimi të publikuar dje në Fletoren Zyrtare, qeveria ka licencuar hidrocentralet Bistrica 1 dhe 2, në aktivitetin e furnizuesit të kualifikuar të energjisë elektrike. Në vendim bëhet me dije, se Bordi i Komisionerëve të Entit Rregullator të En- ergjisë ( ERE), në mbledhjen e tij të datës 31.7.2012, pasi shqyrtoi kërkesën e shoqërisë " HEC Bistrica 1 dhe Bistrica 2" sh. a., si dhe relacionin e Drejtorisë së Licencimit dhe Monitorimit të Tregut dhe Drejtorisë Juridike dhe Mbrojtjes së Konsumatorit mbi licencimin në aktivitetin e tregtimit të energjisë elektrike, konstatoi se: Aplikimi i shoqërisë " HEC Bistrica 1 dhe Bistrica 2" sh. a., plotëson kërkesat e parashikuara nga ERE në rregulloren " Për procedurat e licencimit, modifikimit, transferimit të plotë/ të pjesshëm dhe rinovimit të licencave". Në dokumentin qeveritar bëhet me dije se Enti vendosi të licencojë shoqërinë " HEC Bistrica 1 dhe Bistrica 2" sh. a. në aktivitetin e furnizuesit të kualifikuar të energjisë elektrike, për një afat 5- vjeçar. Licenca e furnizuesit të kualifikuar të energjisë elektrike do t'i fillojë efektet e saj ligjore pas procesit të privatizimit.