Berisha: Procesi i vlerësimit të ofertave të " Albpetrol"- it, transparent
" Konsulentja ' Patton Boggs', punë shumë të mirë"
Kryeministri
Sali Ber isha theksoi dje, se procesi i vlerësimit të ofertave do të jetë plotësisht transparent dhe i bazuar në kriteret e përcaktuara. Deklarata e Kryeministrit, mbi këtë temë që ka ngjallur debate të forta, u bë dje gjatë një takimi me diplomatin amerikan, Frank Wisner. Në takim, Berisha vlerësoi veçanërisht punën e bërë nga kompania ' Patton Boggs' në procesin e përgatitjes së tenderit për privatizimin e " Albpetrol"- it. Më pas, në takimin me Wisner, kryeministri gjithashtu vlerësoi heqjen e mbikëqyrjes mbi pavarësinë e Kosovës, të marrë pak ditë më parë, si një moment me rëndësi të jashtëzakonshme. Kryeministri e falenderoi zotin Wisner për kontributin e tij në procesin e pavarësisë së Kosovës dhe vlerësoi lart gjithashtu rolin dhe kontributin e Presidentit Ahtisari, duke theksuar se " roli i tij do të zërë një vend të veçantë në historinë e shqiptarëve".
Në takim u vlerësua fakti se tashmë Kosova është një shtet i konsolid- uar, me institucione të cilat forcohen përditë. Kryeministri u shpreh, se procesi i integrimit evropian të Kosovës do të jetë një shtysë e jashtëzakonshme për forcimin e saj si një shtet multietnik, që garanton të drejtat e qytetarëve të saj. Të dy bashkëbiseduesit ndanë të njëjtin mendim mbi nevojën për zbatim të plotë të marrëveshjeve të arritura në kuadër të procesit të negociatave në Bruk- sel, si një kusht për të vazhduar më tej në normalizimin e marrëdhënieve mes Kosovës dhe Serbisë.
Kryeministri e njohu zotin Wisner edhe me zhvillimet në Shqipëri, duke u ndalur në një numër reformash ligjore, ekonomike, në shëndetësi, arsim, etj., si pjesë e projektit të qeverisë shqiptare për një Shqipëri të zhvilluar dhe integrim në BE.