Haxhinasto fton biznesin kanadez të investojë në Shqipëri
Ministri
i Ekonomisë, Edmond Hax hinasto, ka nxitur biznesin kanadez të investojë në Shqipëri, si një vend me potenciale të jashtëzakonshme zhvillimore. Në Shqipëri operojnë kompani prestigjioze kanadeze, në sektorë strategjikë si energjia, minierat, infrastruktura, të cilat kapin një total investimesh që i kalon 600 milionë dollarë. " Konkurrueshmëria është rritur, dhe ne kemi shkuar shumë më përpara ku ishim në krahasim me 10 vjet më parë dhe ky është një realitet. Treguesit makro kanë rezistuar në mënyrë të kënaqshme, duke amortizuar efektet e krizës, e cila ka prekur edhe vendet e rajonit tonë, gjë që tregon se ekonomia shqiptare është e shëndetshme, ka potenciale të mëdha për performancë më të mirë, dhe kjo klimë pozitive mirëpret investimet kanadeze edhe në të ardhmen", - është shprehur Haxhinasto.