Fatit të keq të monumenteve tona s’i ka shpëtuar dhe figura e Nënë Terezës
urave historike përsëri nuk dihet ku pikërisht në këto sheshe apo hapësira do të jetë vendndodhja e veprës, sepse nuk duket njësoj një vepër arti, çfarëdo qoftë, monument historik apo jo, nëse vendoset në jug të një sheshi apo p. sh. në veri- perëndim të tij. Po ashtu vlen të përmendet koha e shkurtër e realizimit që cënon cilësinë e këtyre veprave.
Të krijohet përshtypja që të gjitha këto bëhen sa për të kaluar radhën, për qëllime thjesht propagandistike, por jo për t’i dhënë publikut apo qytetit një vepër art jetëgjatë, që reziston jo thjesht kohës në aspektin kronologjik por edhe shijes, e koncepteve të së ardhmes. Këto monumente nuk shihen të bëhen për të respektuar ngjarjen apo figurën historike që përfaqësojnë, me atë nxitim në realizim që dëmton cilësinë e paraqitjes së këtyre figurave, dhe sidomos nuk ka kurrfarë përpjekje të krijuar nji shesh, ndoshta kënd të gjelbëruar, çlodhës, ku mund të admirohet nji vepër arti ku brezat e rinj kanë shansin të familjarizohen me këtë figurë historike apo ngjarje të rëndësishme kombëtare, e cila me kohë bëhet pjesë e pandarë e memories së tyre jetësore, e sidomos e kujtesës së vet qytetit, lagjes, sheshit ku gjendet kjo vepër.
Një vepër arti e mjedisit publik, që mund të jetë nji monument historik ka shansin të bëhet fytyra e qytetit që ndodhet, imazhi prej këtij qyteti, që mbetet në kujtesën e kalimtarit, turistit, e ka plot shembuj të tillë të suksesshëm nga bota.
Por fatit të keq të monumenteve tona nuk i ka shpëtuar as ai i N. Terezës pranë Universitetit të Tiranës, që duket sikur është aty përkohësisht dhe nga dita në ditë pritet të hiqet e të vendoset diku tjetër.
Monumenti i Nënë Terezës , që është simbol i shpirtit fisnik, që nuk e kurseu gjithë jetën e saj për t’i dhënë jetë të tjerëve nuk ka arsye pse të gjindet diku e fshehur në anë të Universitetit të Tiranës, në nji vend të tillë që vetëm rastësisht mund ta shohësh.
Sigurisht Nënë Tereza, si shumica e monumenteve tona, janë të përkohshme në vendet ku ndodhen, dhe shpesh të krijuar në nxitim a sipër e disa prej tyre shihen tepër të përkohshëm edhe për cilësinë profesionale që ofrojnë.
* Artist dhe pedagog