BE paralajmëron Ballkanin: Kthejmë regjimin e vizave
Brukseli: Liberalizimi, kërkesat e azilkërkuesve u rritën me 75% Sesilia Malmstrom në nëntor në Tiranë
Ministrat e Brendshëm të Bashkimit Evropian paralajmëruan dje mundësinë e pezullimit të liberalizimit të vizave për disa vende të Ballkanit. Në mbledhjen e rradhës së zhvilluar në Luksenburg ata argumentuan se pezullimi i përkohshëm është i nevojshëm për të frenuar kërkesat e pabaza për azil. Komisionarja për Çështje të Brendshme e BE- së, Sesilia Malmstrom, deklaroi se keqpërdorimi i sistemi të azilit “është rritur në mënyrë të konsiderueshme” që kur Shqipërisë, Bosnjës, Maqedonisë, Malit të Zi dhe Serbisë u është dhënë e drejta e udhëtimit pa viza në zonën e Schengenit. Në konferencën për shtyp, që u zhvillua pas takimit, Malmstrom bëri të ditur se brenda 10 ditësh do të vizitojë Tiranën, ku do të zhvillohet një takim ndërministror për të diskutuar rreth masave për parandalimin e a z i l k ë r k u e s v e . “Shumë vende të BE- së janë të shqetësuar. Ky proces është shumë i rëndësishëm për të rritur kontaktet mes njerëzve. Eshtë një proces që duam ta zgjerojmë dhe ta vazhdojmë. Numri i azilkërkuesve është rritur me 75% që nga viti i kaluar. Do ta diskutojmë këtë në Tiranë, në nëntor. Do t’u kërkojmë vendeve të Ballkanit Perëndimor që të bashkëpunojnë me ne përveç përmirësimit të rregullave të brendshme”, - deklaroi Malmstrom. Ministrja e Brendshme e Qipros, që mban presidencën e radhës të BE- së, i bëri ndërkohë apel vendeve të Ballkanit që të marrin masa për abuzimet me vizat, pasi shifrat e azilkërkuesve janë shqetësuese. Nga ana tjetër ministri i Emigrimit të Suedisë, Tobias Billstrom ka vënë në dukje se “që pas prishjes së regjimit të vizave për zonën e Ballkanit Perëndimor, ekzistojnë të regjistruar mbi 15.000 kërkesa për azil të