Kreu i Bashkisë së Tiranës, Lulzim Basha: Trualli i xhamisë, e zgjidhur
Përfundimisht është zgjidhur dhe çështja e pronësisë së terrenit ku do të ndërtohet xhamia.
Kreu
i Bashkisë së Ti ranës, Lulzim Basha apeloi dje nevojën e pranimit të rezultatit të zgjedhjeve parlamentare të 2013- ës nga ana e forcave politike. Sipas tij liderët politikë nuk duhet ta kthejnë humbjen në trauma politike, sociale e kombëtare. Ai i bëri këtë deklarata gjatë një interviste të dhëne për emisionin “Bugajski Hour” në Albanian Screen”. “Ajo që ka munguar, them se është ndërgjegja për të pranuar rezultatet e zgjedhjeve dhe për të mos kthyer humbjet personale në trauma politike, sociale dhe kombëtare. Shpresoj që ky mësim të jetë nxjerrë dhe shpresoj gjithashtu që zgjedhjet e 8 majit të vitit të kaluar të kenë kon- tribuar për këtë. Dhe nëse është kështu, me sistemin të rrënjosur, me ndryshimet që janë bërë, sërish në mënyrë bipartizane, nuk duhet të ketë asnjë arsye përse infrastruktura ligjore dhe teknike e vitit 2013 nuk duhet të japë garanci të plota për zgjedhje të standarteve evropiane në Shqipëri. Ajo që ne kemi nevojë pas kësaj, është sjellja evropiane”, - deklaroi Basha. Ndërkohë më herët, kryebashkiaku i Tiranës, pas vizitës që zhvilloi në Komunitetin Mysliman, nga ku uroi besimtarët për festën e Kurban Bajramit tha se tashmë rruga është e hapur për ndërtimin e xhamisë së re të kryeqytetit. “Përfundimisht është zgjidhur dhe çështja e pronësisë së terrenit ku do të ndërtohet xhamia. Pas faljes së afro 3 mijë m2 nga shteti dhe kombinimit me një parcelë tjetër prej 3 mijë m2, pas gjashtë muaj negociatash dhe marrëveshjesh me pronarin e truallit, është hapur rruga e procesit të ndërtimit të xhamisë së re”, - deklaroi Basha.