Halimi: Mandati i Ina Ramës mbaron në 22 nëntor 2012
Ministri i Drejtësisë: Asnjë ditë më vonë PS, Gjoni: Skenari ‘ Sollaku’
Ministri i Drejtë sisë, Eduard Hal imi pretendoi dje se mandati 5- vjeçar i Prokurores së Përgjithshme, Ina Rama mbaron në 22 nëntor 2012. Sipas tij largimi i saj nga kreu organit të akuzës nuk do të zgjasë asnjë ditë më vonë. “Ina Rama u zgjodh në 22 nëntor të 2007 me 83 vota nga të maxhoranncës dhe të opozitës. Dhe pikërisht në 22 nëntor të këtij viti, dhe asnjë ditë më vonë duhet të largohet nga zyra.
Nuk gjykoj se duhet të ketë shtrirje për mandatin e Prokurorit të Përgjithshëm. Mandati i Prokurorit të Përgjithshëm është i përcaktuar në Kushtetutë dhe nuk gjykoj se duhet të ketë shtyrje për këtë mandat”, - tha Halimi në një prononcim të dhënë për “Albanian Screen”.
REAGIMI I PS
Largimi i Ina Ramës nga detyra do të ketë sfond të pastër politik sipas opozitës. Kur ka mbetur më pak se një muaj nga mbushja e 5- vjeçarit të qëndrimit të saj në krye të organit të akuzës, deputeti socialist Ilir Gjoni vlerëson se dhe me Ina Ramën po përsëritet skenari i njëjtë i shkarkimit të paraardhësit të saj, Theodhori Sollakut. “Që nga momenti që Ina Rama është emëruar Prokurore e Përgjithshme përjashto një periudhë 6mujore të fillimit të punës së saj, që Prokuroria e Përgjithshme dhe Prokurorja e Përgjithshme kanë qenë target dhe objekt i sulmeve të Sali Berishës dhe të Bujar Nishanit, sot president. Ka një prapaskenë politike dhe nuk do të shihet më shumë ana juridike dhe zbatimi i ligjit. Në këtë kuadër unë gjykoj që dhe lëvizja e kryeprokurores do të ketë një motiv të pastër politik”, - deklaroi Gjoni për “Albanian Screen”.
Në 21 prill 2008, Kuvendi me unanimitet votash ndryshoi Kushtetutën, ku ndër të tjera mandati pa limit i Prokurorit të Përgjithshëm u kufizua me 5- vjet. Ndryshimet kushtetuese hynë në fuqi në maj të po atij viti. Debati i hapur sëfundmi është se kur duhet të llogaritet afati i mbarimit të mandatit të Ina Ramës në krye të organit të akuzës, në nëntor 2012 apo në maj 2013. Në 22 vite pluralizëm janë ndërruar 6 kryeprokurorë që prej majit të vitit 1991, kur ky titullar u zgjodh nga Kuvendi për herë të parë me sistemin e ri.