Udhëzimi: Rastet kur refuzohet regjistrimi nga hipotekat

ZRPP kthen mbrapsht pronat me mbivendosje

Përmes

një udhëzimi të publikuar në faqen e vet zyrtare pak ditë më parë, Këshilli i Ministrave përcaktonte në mënyrë të hollësishme rregullat që duhet të ndjekë Zyra e Regjistrimit për regjistrimin e kontratave të shitjes për një pasuri të paluajtshme, regjistrimin e pasurive të paluajtshme, të fituara me parashkrim fitues si dhe regjistrimin e kalimit të pronësisë me anë të ligjit, me vendim të gjykatës apo të një akti administrativ. Një hapësirë të konsiderueshme në udhëzim zinin rastet kur regjistrimi i pronave refu- zohet nga ZRPP: kur vendimi gjyqësor nuk ka marrë formë të prerë, në përputhje me nenet e Kodit të Procedurës Civile; kur në bazë të Kodit Civil, sipas vendimit të gjykatës, në dhënien e vendimit është vënë në lëvizje me kërkesë, përveç rasteve të çeljes së trashëgimisë. Refuzohet gjithashtu hipotekimi kur të dhënat për pasur- inë nuk janë të plota e nuk kanë të përcaktuara minimalisht, kufijtë dhe pozicionin gjeografik të pasurive të paluajtshme ( vendndodhjen e pronës/ numrin e regjistrimit në regjistrat hipotekorë ose kadastralë të pasurisë, kufitarët e pronës dhe/ ose sipërfaqet). Një rast tjetër kur refuzohet regjistrimi është ekzistenca e regjistrimeve të pronësisë për pasurinë e paluajtshme në favor të personave të tjerë, fizikë ose juridikë. Refuzohet kategorikisht regjistrimi nga zyrat e hipotekës në rastet kur në bazë të ligjit nr. 33/ 12, “Për regjistrimin e pasurive të paluajtshme”, dokumentet e paraqitura për regjistrim krijojnë mbivendosje me një pasuri të regjistruar më parë. Të pamundur regjistrimin e bën edhe ekzistenca e regjistrimeve të mundshme ekzistuese të pronësisë mbi pasurinë e paluajtshme, që është objekt i kërkesës për regjistrim, në favor të personave të tjerë, fizikë ose juridikë, përveç palëve të përcaktuara në aktin administrativ, të cilat nuk kanë qenë palë në procesin administrativ.