Disfata, shtypi anglez “masakër” ndaj Mançinit

Kritika pafund për humbjen me Ajaksin

Pranimi

i fajit pas ndeshjes nuk u ka mjaftuar mediave angleze. Roberto Mançini ka pësuar dje një nga kritikat më të ashpra të shtypit, pas disfatës që Mançester Siti pësoi në shifrat 3- 1 kundër Ajaksit. Tekniku italian pranoi pas humbjes së “nuk e kishte përgatitur mirë ndeshjen” dhe se merrte përsipër “të gjitha përgjegjësitë” për atë që ndodhi, por kjo nuk mjaftoi për të qetësuar situatën në Britani. “Telegraph” shkon deri aty, sa fajëson atë që rinovoi kontratën e italianit, për shkak se riktheu titullin kampion pas 42 vitesh, “por që tani nuk gjen dot asnjë formulë për ta bërë Sitin të shkëlqejë edhe në Evropë”. “Mirror” shkruan se pavarësisht mbrojtjes që u bëri futbollistëve në publik, në dhomat e zhveshjes Mançini ka qenë i xhindosur. Por, sipas kësaj gazete, tekniku italian ka përdorur sërish tharësen e flokëve kur ka dalë para mediave. Duke ironizuar me këtë gjest, “Mirror” shkruan se Mançi- ni e përdor shpesh atë për të qenë më i ftohtë para kamerave. Një tjetër kritikë shkon për disiplinën në ekip. Përshembull, Xheko e Kolarov janë kapur duke pirë kafe në një bar të hapur, duke mos preferuar hotelin e skuadrës, ndërsa edhe vetë Mançini është ironizuar që e ka marrë ndeshjen qetë, duke bërë shopping në dyqanin “Jimmy Choo”. Nën akuzë ka përfunduar edhe aktivizimi i Edin Xhekos, heroi i fitores ndaj Uest Brom dhe një fantazmë në fushë kundër Ajaksit. Në fund, qershia mbi tortë, kur Miçah Riçards shprehet: “Ne lojtarët preferojmë skemën 4- 4- 2, por është trajneri ai që vendos...”.