PS- LSI: Trafik nga Ushtria? Të ngrihet Komision Hetimor
Nr. 2 i grupit socialist, Balla: Të provohet ose përgënjeshtrohet “Cenohen ushtarakët e një vendi të NATO”
PS- LSI kërkojnë ng ritjen e një Komisio ni Hetimor Parlamentar për verifikimin e akuzave të PD- së për trafik armësh nga Ushtria shqiptare.
“Grupi Parlamentar i Partisë Socialiste dhe Grupi Parlamentar i Partisë Lëvizja Socialiste për Integrim kanë depozituar në Kuvendin e Shqipërisë kërkesën për ngritjen e Komisionit Hetimor për zbardhjen e plotë të motiveve dhe arsyeve, verifikimin e plotë të fakteve dhe të provave që provojnë ose përgënjeshtrojnë akuzat e artikuluara publikisht nga përfaqësues të lartë politikë kundrejt Forcave të Armatosura, për vënien në dispozicion të infrastrukturës së Ushtrisë për veprimtarinë kriminale: ‘ transport i lëndëve narkotike’”, tha dje, nënkryetari grupit të PS- së, Taulant Balla. Sipas tij, zbardhja e plotë e motiveve dhe arsyeve, si dhe tregimi i fakteve dhe provave mbi të cilat janë mbështetur këto akuza, kanë një rëndësi të veçantë për imazhin e Forcave të Armatosura të një vendi anëtar të NATOs.
“Nisur nga akuzat e ngritura këto ditët e fundit nga përfaqësues të lartë politikë, në lidhje me implikimin e Forcave të Armatosura dhe bazave ushtarake të saj në veprimtarinë kriminale ‘ transport i lëndëve narkotike’, akuza të cilat, nëse nuk mbështeten në fakte dhe në prova konkrete, cenojnë në mënyrë të hapur punën e Forcave të Armatosura, të cilat ushtrojnë aktivitetin e tyre në përmbushje të angazhimeve të cilat rrjedhin nga anëtarësimi i Shqipërisë në NATO. Këto akuza, nëse nuk mbështeten në prova dhe në fakte, dëmtojnë rëndë imazhin dhe perceptimin publik në lidhje me Forcat e Armatosura, si brenda vendit, ashtu dhe në arenën ndërkombëtare”, - deklaroi Balla në një konferencë për mediat.
Objekti i punës së Komisionit do të jetë: “Verifikimi i akuzave të artikuluara publikisht nga përfaqësues të lartë politikë kundrejt Forcave të Armatosura, për vënien në dispozicion të infrastruk- turës së Ushtrisë për veprimtarinë kriminale: “transport i lëndëve narkotike”.
Nënkryetari i grupit të PS- së, Taulant Balla u shpreh se, ngritja e Komisionit shikohet si një garanci për të provuar, ose në të kundërt, për të përgënjeshtruar akuzat e ngritura nga përfaqësues të lartë politikë. “Ky Komi- sion Hetimor Parlamentar do të kërkojë administrimin e provave dhe fakteve, mbi të cilat këta përfaqësues të lartë politikë kanë mbështetur akuzat e tyre kundrejt Forcave të Armatosura të Republikës së Shqipërisë, për vënien në dispozicion të disa bazave ushtarake dhe të infrastrukturës së Ushtrisë për veprimtarinë kriminale: ‘ transport i lëndëve narkotike’”, deklaroi Balla.