Sulmi në komisariat, 4 në pranga
FUSHE- KRUJE/ " Detonatori", në kërkim dhe 2 të tjerë. Policia: Anëtarët e grupit, përgjegjës për shpërthimet Grupit kriminal iu bllokuan 100 kallëpe me tritol
Shpërthimet e njëpasn jëshme me tritol në zonën e Fushë- Krujës si dhe tri sulmet ndaj komisariatit kanë alarmuar policinë, e cila është hedhur në aksion për goditjen e elementit kriminal. Pas shpërthimit me eksploziv të godinës së bluve, ngjarje kjo e ndodhur mbrëmjen e së premtes, policia lokale ka rënë në gjurmët e autorëve të krimit. Burime zyrtare nga Drejtoria e Policisë së Qarkut të Durrësit, dje bënë me dije se në kuadër të operacionit të koduar " Detonatori" janë arrestuar katër persona, ndërsa janë shpallur në kërkim dy të tjerë. Mësohet se operacioni u finalizua mëngjesin e djeshëm me arrestimin e 28- vjeçarit Dorjan Picorri dhe 34vjeçarit Saimir Ajazi, të dy lindur në Krujë dhe me banim të përkohshëm në Tiranë, si dhe të 25- vjeçarit Redi Ndreu nga Kruja. Ndërkohë, pasditen e djeshme u vu në pranga dhe 31- vjeçari Enis Mullai, banues në Tiranë. Ky i fundit u kap në një stan në malësinë e Zaharisë.
Sektori kundër trafiqeve të paligjshme në Drejtorinë e Policisë së Qarkut të Durrësit, në bashkëpunim me Prokurorinë e Krimeve të Rënda Tiranë, kishin nisur një hetim njëmujor me me- toda speciale, përgjim telefonash dhe mbajtje nën vëzhgim, të disa personave që ushtronin aktivitet kriminal, kryesisht në trafikimin e lëndëve plasëse në rrethin e Krujës. Pas hetimeve intensive, mbrëmjen e së premtes u ndërmor operacioni i koduar " Detonatori". Forcat policore që morën pjesë në këtë operacion sekuestruan në fshatin Krastë të Krujës një automjet tip " Opel Vektra", me të cilin po transportoheshin 100 kallëpe tritol. Sipas hetuesve të çështjes, sasia e eksplozivit ishte e destinuar për tregun e brendshëm kriminal që operon në qarkun e Durrësit. E ndërsa zhvillohej operacioni, u sulmua me tritol ( rreth 200 gr)
Dy ngjarjet e mësipërme pasuan me arrestimin e katër personave nga Kruja dhe banues në Tiranë, ndërsa u shpallën në kërkim dy të tjerë. Burime pranë grupit hetimor deklaruan se anëtarët e këtij grupi e kanë blerë lëndën plasëse ( 100 kallëpe tritol), me qëllim tregtimin e tij, tek grupe të tjera të interesuara. Të arrestuarit ende nuk kanë dëshmuar se ku e kanë siguruar eksplozivin dhe ku ishte destinacioni final. Gjithashtu, anëtarët e këtij grupi kriminal pohohet të jenë përgjegjës për shpërthimin e mbrëmjes të së premtes me eksploziv në portën e pasme