FESTA E PASHKËVE, JANULLATOS E MIRDITA UROJNË PAQE E SHPRESË
Kryepeshkopi
Anastas Janullatos dhe Imzot Rrok Mirdita u kanë uruar besimtarëve ortodoksë e katolikë Festën e Pashkëve. Në ditën e ringjalljes së Krishtit, klerikët e lartë ju kanë uruar të krishterëve të udhëhiqen nga drita, të kenë paqe dhe më shumë mirëkuptim mes tyre. Kryepeshkopi, Fortlumturia e tij Anastas Janullatos uroi që të kremtojmë Pashkën me frymë përpjekjeje të ripërtërirë, për një shoqëri solidariteti dhe përgjegjësie të përbashkët. Kjo ditë të na fuqizojë besimin tonë te Krishti të na udhëheqë besim reciprok. “Kjo dritë paskale e tërëbardhë, me të gjitha ngjyrimet e saj, le të udhëheqë, besimtarë dhe besëpakë, në një përpjekje të re, për më shumë mirëkuptim të ndërsjellë, pajtim, vëllazërim dhe ecuri krijuese”, - tha ai. Kryeipeshkvi Rrok Mirdita, ndërsa i ftoi katolikët të besojnë tek ngjallja e Krishtit, u shpreh se “në shoqëritë tona nuk mungojnë dhimbjet as vuajtja e të pafajshmëve, por kujtohuni se i ringjalluri thotë sot mos kini frikë”. Imzot Mirdita tha se “sot festojmë fitoren e Zotit. I themi çdo burri dhe çdo gruaje mos kini frikë. Krishti i ringjallur i mbushtë me shpresë jetët e gjithë secilit”. Mesazhet e urimit nuk kanë munguar as nga politika. Presidenti i Republikës, Bujar Nishani iu uroi Festën e Pashkëve të gjithë be- simtarëve katolikë dhe ortodoksë shqiptarë kudo që ndodhen. Në mesazhin drejtuar besimtarëve, kreu i shtetit thekson se kjo është dita kur ringjallet shpresa, ndihet më i plotë gëzimi dhe harmonia mes njëri- tjetrit. Ndërsa kryeministri i vendit, Edi Rama, e ka uruar festën përmes një postimi në “Twitter” ku thotë: “Gëzuar Pashkët gjithë shqiptarëve!”.