LETRA PER BASHEN
Ambasadori i Italisë: Vlerësim të lartë për kontributin e PD për reformën
Ambasadori
i Italisë, Alberto Cutillo i ka dërguar një letër Kryetarit të Partisë Demokratike, Lulzim Basha, ku vlerëson kontributin për
reformën në drejtësi. Në letër ai shpreh besimin se, "edhe falë kontributit të forcës politike që ju drejtoni, Shqipëria do të tregohet në lartësinë e duhur për këtë sfidë e do të dijë t'i përgjigjet integrimit europian të qytetarëve shqiptarë". "I dashur zoti Kryetar, dëshiroj t'ju shpreh vlerësimin tim më të lartë për angazhimin dhe kontributin e Partisë Demokratike të kryesuar nga ju në përcaktimin e tekstit të amendamenteve kushtetuese për reformën në sistemin e drejtësisë. Bëhet fjalë për një hap të parë kah drejtësisë të karakterizuar nga standardet europiane. Vendi nevojitet tashmë të angazhohet me të njëjtën ndjenjë përgjegjshmërie në fazën jo më pak delikate të implementimit të reformës në drejtësi", shkroi Cutillo në letër.
Deputeti Vladimir Ko sta iu përgjigj dje kolegut të tij Erion Braçe, pasi ky i fundit i tha se PS- ja në Berat nuk fitoi me para. Në një koment të gjatë vetëm për Braçen, Kosta e quan deputetin e PS- së "maoenverist". "Krenohet Arben Ahmetaj, ' Braçen e kam mik', dhe nxirr fonde për Divjakën, 10 milionë $ për ty, se e bën mirë rolin e papagallit zotëria jote, Erion! Ndërsa unë s'marr dot 200 mijë dollarë për një urë në një fshat", shkroi dje, Kosta.
PËRGJIGJJA E PLOTË
Kthim përgjigjeje "maoenveristit" Erion Braçe.
Kryetari i Komisionit të Ekonomisë: bëhu socialist evropian.
Siç premtova, Erion Braçe, po të jap përgjigje sot, pas votimit të Reformës së Drejtësisë. Tani që ne të PSsë ia dolëm votimit unanim të saj, gjë që ishte shumë e vështirë për shkak të opozitës destruktive që kemi, e ndjej veten të çliruar të merrem edhe me gjëra shumë më të vogla, të të përgjigjem ty.
Zoti Braçe, keni shkruar në shtyp kundër deklaratave të mia publike, bile me titujt e nëntitujt tuaj pompozë: "Erion Braçe reagon për 110 mijë eurot që pagoi Vladimir Kosta në Berat", "Sqarim në facebook më datë 12.07.2016" etj. Nga ky reagimi që keni bërë kundër meje, por edhe nga shumë "ide" që keni hedhur lart e poshtë, ju z. Erion propagandoni ide politike akoma të papastruara nga e majta ekstreme e kohës së komunizmit, enverizmit, maoizmit etj. Duket sikur ju nuk keni arritur akoma të shndërroheni në një socialist evropian, siç është pjesa më e madhe e PSsë së sotme, e në radhë të parë kryetari i saj Edi Rama. Në vijim më konkretisht. Ju bëni sikur nuk e dini, se jo vetëm në Berat, por edhe kudo në Shqipëri, dhe kudo në botë, fushata elektorale kushton shumë. Nuk qëndron siç thoni ju, se "as edhe një qindarkë nuk është përdorur për këtë!". Nuk marr përsipër të nxjerr të gjithë koston reale të shpenzimeve të bëra gjatë viteve, për fushatat zgjedhore, për përhapjen e ideve të PS- së në Berat, por ama jua them edhe një herë, se vetëm unë, nga pasuria ime, kam dhënë për fushatën në Berat dhe Poliçan, mbi 110 mijë euro, kjo si vlerë e pajisjeve të televizionit tim ( të Gjeli Vizionit) që ia kam dhënë televizionit lokal në Berat, ekranin e të cilit kush e di sa e sa herë që do ta kesh përdorur edhe ti vetë. Duhen përfshirë këtu edhe punimet e gipsit e gjëra të ndryshme që janë kryer atje po me paratë e mia. I pata dhënë fjalën Edi Ramës dhe pata nisur menjëherë ekipin tim të kryejë punën! E ti tani, në vend që të më falënderosh publikisht për kontributin tim, e mohon paturpësisht këtë, e indirekt bën sikur nuk e ditke këtë fakt, pra del bukëshkalë.
Ti, si enveristët, shkruan se "vetëm të varfrit duhen përmendur e falënderuar", se kontributi i të pasurve, për fitoren e PS- së, për përmirësimin e jetës së të varfërve, qenka i turpshëm, se ne të pasurit qenkemi "me interesin banal të pasurimit të shpejtë", e të tjera dokrra të tilla maoiste. Jo, shoku Erion, unë si i pasur jam krenar për