"Denoncova hashashin në Dukagjin, policia s'ndërhyri"
INTERVISTA/ "Punëtorët hapnin vetëm gropat, mbjelljen dhe ujitjen e bënin vetë trafikantët" Punëtori i plantacioneve të drogës: Gati ta ribëj, më siguroni familjen
Policia nuk ka veri fikuar plantacionet e kanabisit ku unë punoja, kam denoncuar dhe në prokurori po asnjë reagim". Kështu ka deklaruar një punëtor i plantacioneve me marijuanë në zonën e Dukagjinit për "ABC News". Ai s'ka dashur të identifikohet, ndërsa shprehet se është i gatshëm t'i tregojë tokat e mbjella me drogë nëse i sigurohet familja.
Ju keni punuar dy vjet në plantacionet e kanabisit...
Po, është e vërtetë. Kam punuar diku në zonën e Dukagjinit para 3- 4 vitesh, për rreth 5- 6 muaj.
Kur keni punuar herën e parë, a ju kanë paguar? Sa ju kanë paguar?
Si fillim na paguanin mirë dhe më pas keq. Edhe për disa muaj nuk m'i kanë dhënë lekët.
Si e keni gjetur punën te kultivuesit e kanabisit?
Thjesht muhabete shokësh, nëpër kafene. E bëja vetëm prej hallit, jo se jam kriminel.
Sa paguheshe për një ditë pune?
Rreth 15 mijë lekë të vjetra, nga mëngjesi deri në darkë.
Atje ku ishit në plantacione, sa vetë punonit?
Shumicën e kohësh rreth 10 veta, por kur ishte koha e mbjelljes bëheshim edhe 20 veta, kur ishte për të mbjellë fidanët.
Këta persona që ishin kultivues, ju i njihnit?
Të gjithë ishin të panjohur. Nuk i njihja, vetëm thjesht si mik mbas mikut. Por edhe të tregoj se kush më ka çuar atje nuk është mirë, sepse ai është munduar për mirë.
Po pse u largove nga ajo punë?
Thjesht nuk më pëlqente mënyra se si silleshin. Në fillim ishin të sjellshëm, sillnin ushqim, pastaj fillonin me sharje dhe ofendime. Thjesht kisha frikë, nuk isha më i sigurt. Më dukej vetja sikur isha në një burg a në një vend të tmerrshëm ku vetëm qëndronte arma te koka. Sharjet e ofendimet, shtyrjet, fillonin të akuzonin jo ' je spiun', jo ' pse e ke lënë punën atëherë?'. Të gjithë kishin informacion se unë kam punuar me një grup tjetër kriminal. Edhe këta pretendonin dhe thoshin se ' ne njohim shefin e policisë', jo ' njohim këtë e atë'. Kam qenë në polici e kam denoncuar këtë fakt. Mirëpo policia, në vend që të më merrte me të mirë, më bënin presion psikologjik, terror. Jo ' do të dënojmë me burg, do të tregosh, kush je ti të denoncosh shtetin, çfarë je ti'. Unë kisha mbetur i frikësuar, normal, kur të bëjnë terror.
Ti, e ke denoncuar këtë, se persona po mbjellin kanabis dhe në cilën zonë?
Po, e kam denoncuar. Kam thënë ' mund t'i njoh si fytyra, por si emra nuk i njoh'.
A erdhën që të pyesin policia se në cilën zonë janë?
Jo, nuk erdhën te zona. Unë kam kërkuar që për sigurinë time personale, jo të dal në furgon, por të dalim me një helikopter dhe ta vërtetojnë, dhe në qoftë se nuk është e vërtetë, unë do dënohesha. Ose, dhe në qoftë se ai plantacion i mbjellë është i korrur nga policia, nuk kisha faj, se nuk shkoja çdo ditë ta ruaja, por t'u tregoja me fakte që ky është vendi ku unë kisha punuar më përpara. Ata nuk e pranuan, thanë ' trego personat, trego shefin që është i implikuar', thua se unë isha një miliarder, një bos që merresha me këtë punë. Unë kisha mbetur,
çka të thosha përballë këtij terrori.
Në prokurori, keni qenë?
Kam qenë në prokurori. Prokuroria s'ma hap derën fare. Vetëm ai që rri aty përballë derës së prokurorisë, vetëm më merrte dokumentet nga xhami, ' do ta kemi parasysh'.
Pronarët e parcelave, ishin të zonës?
Janë banorë të zonës së Dukagjinit. Bile- bile, ndonjërin edhe mund ta identifikoj, por ama dua siguri familjare.
Sa rrënjë mund të ishin mbjellë në ato plantacione?
Shumë. Me mijëra. Kalojnë mbi 7.000 rrënjë.
Ju, keni punuar vetëm në një parcelë?
Në shumë parcela. Ishin arat e kooperativave, por të papunuara kaherë.
Detyra jote ishte të hapnit gropa?
Po. Mbjelljen e bënin vetë ata. Vaditjen e bënin vetë ata.
Kam qenë në prokurori. Prokuroria s'ma hap derën fare. Vetëm ai që rri aty përballë derës së prokurorisë, vetëm më merrte dokumentet nga xhami, ' do ta kemi parasysh'.