Ernest Gjoka: Kukësi im është gati
Kampionët korçarë vijnë si favoritë në këtë përballje, por duhet të bëjnë kujdes nga verilindorët Sot në orën 20: 00 luhet Superkupa Skënderbeu- Kukësi
Më pak se tri javë në krye të Kukësit, megjithatë dora e Ernest Gjokës ka nisur të ndihet në radhët e ekipit. Nga përgatitjet, te mënyra e funksionimit dhe çështjet e brendshme, verilindorët do të jenë një skuadër ndryshe dhe me objektiva madhorë. Hapi i parë është fitimi i Superkupës së Shqipërisë, në finalen e kësaj të mërkure përballë Skënderbeut. Një duel direkt, me dy pretendentet për titullin, që do të konfirmojnë emocionet dhe luftën sportive nga e cila do të karakterizohet sezoni i ri. "Jam i sigurt se skuadra do të bëjë një ndeshjes shumë të mirë, pasi kemi punuar për këtë takim. Faza përgatitore ka shkuar mjaft mirë dhe jam i sigurt se ekipi po e përthith filozofinë time të punës. Kemi një gjendje të mirë dhe jam i sigurt se do të zhvillojmë një takim të mirë. Formacionin do ta vendos nesër dhe do ta shihni në fushë, të gjithë futbollistët janë të barabartë te unë. Skemat ndryshojnë gjatë lojës nga 4- 4- 2 ndryshojnë në varësi të ndeshjes. Deri në fund të merkatos do të presim. Gjithmonë jemi të hapur për afrime të mira dhe që rrisin cilësinë e skuadrës, por ekipi është i kompletuar", deklaroi ndër të tjera trajneri i Kukësit, Ernest Gjoka. Kapiteni i Kukësit, Rrahman Hallaçi, ka bërë edhe prezantimin e parë zyrtar për mediat në prag të sezonit të ri. Ai ka folur për këtë emocion dhe për ndeshjen ndaj Skënderbeut. "Jam shumë i lumtur që jam rikthyer si kapiten. Unë jam i nderuar dhe i falënderoj të gjithë. Gjithmonë kam dhënë më të mirën për këtë ekip si në periudhën që kam mbajtur shiritin si atëherë kur nuk kam qenë kapiten. E dashuroj Kukësin dhe do të jap gjithmonë më të mirën për këtë qytet dhe ekipin tim. Nesër kemi një ndeshje shumë të vështirë. E vlerë- sojmë kundërshtarin, por ne do të bëjmë lojën tonë. Shpresojmë që në fund të rrëmbejnë edhe trofeun", shprehet Hallaçi ndër të tjera. Zëvendëskapiteni Ylli Shame- ti ka qenë gjithashtu në një konferencë për shtyp. Mbrojtësi ka folur për gjendjen e ekipit dhe kundërshtarit. "Jemi në gjendje të mirë. Trajneri ka punuar mjaft mirë dhe do të
japim maksimumin. Shpresojmë që të ia arrijmë qëllimit. E dimë se kemi përpara një skuadër të vështirë, por besojmë në forcat tona", shprehet Shameti.