Ilir Meta: Kemi probleme me radikalizmin politik
Kreu i Kuvendit: Projekti evropian është çlirimi nga e shkuara "Bashkëjetesa fetare, sfida jonë e fituar"
Kryetari i Kuvendit, Ilir Meta deklaroi dje, se Shqipëria nuk vuan nga radikalizmi fetar, por ka ende problem me radikalizmin në politikë. I pranishëm në punimet e Komitetit të Monitorimit të Asamblesë Parlamentare të Këshillit të Evropës, Meta foli për tolerancën e bashkëjetesën fetare. "Ne në Shqipëri kemi ende shumë sfida përpara. Të qenit ende një vend i varfër dhe me probleme ekonomike është një sfidë e rëndësishme që ne duhet dhe do ta përballojmë, por nga ana tjetër ne kemi arritur të fitojmë një sfidë e jashtëzakonshme me të cilën përballet sot e gjithë bota. Bashkëjetesën në diversitet edhe për shkak të besimeve të ndryshme fetare", tha kreu i Kuvendit. "Do ta konsideroja tolerancën, bashkëjetesën dhe harmoninë fetare si një arsye më shumë, gjithashtu, Nënkryetarja e Kuvendit, Valentina Leskaj theksoi se: "Shqipëria është një provë se harmonia, bashkëjetesa mes feve të ndryshme mund të prosperojë. Natyrisht që askush nuk është i imunizuar nga risqet, në këto kohë të vështira kur harmonia fetare merr një vlerë të veçantë e duhet bërë gjithçka që ta ruajmë e zhvillojmë këtë pasuri të çmuar".
edhe për të qenë modest dhe kokulur si besimtarët në faltore dhe e vetmja mënyrë që vjen nga e shkuara për t'iu drejtuar të ardhmes me punë dhe përulësi. Në Shqipëri nuk ka pasur asnjëherë probleme me radikalizmin fetar, por, për fat të keq, ne kemi pasur dhe ende kemi disa probleme me radikalizmin politik", nënvizoi, Meta, në fjalën e tij. "Ndaj, shtoi ai, toleranca dhe bashkëjetesa mes të ndryshmëve
në besim apo edhe në politikë është një sfidë. Ne sfidën e parë e kemi fituar dhe bazuar tek ajo që është një shembull i mrekullueshëm për shoqërinë tonë, besoj që do ta fitojmë edhe sfidën e dytë, sepse ekstremet dhe radikalizmi i çfarëdolloj aspekti është mjaft i rrezikshëm dhe këtë e dëshmojnë të gjitha zhvillimet e fundit në botë ose edhe në rajonet pranë nesh dhe për ta fituar këtë bashkëjetesa është sfi- da jonë në të gjitha drejtimet". Gjatë një përshkrimi që i bëri bashkëjetesës fetare, kreu i Kuvendit tha: "Tirana është si Jerusalemi, toka ku duket se është pjekur historia. Por ndryshe nga Jerusalemi, këtu gjithnjë fjalën e ka paqja, bashkëjetesa dhe pranimi si i barabartë i të ndryshmit". "Ne jemi dëshmia dhe modeli, jemi prova dhe jetësimi i mundësisë së asaj që për fat keq në vendet e tjera ngjan e pamundur apo shumë e vështirë. Shqipëria dëshmon se të krishterët dhe myslimanët mund të jetojnë të lumtur me njëri tjetrin. Mund ta pranojnë njëritjetrin. Mund të ndërtojnë të nesërmen e përbashkët me njëri- tjetrin. Mund të martohen dhe të krijojnë familje të qëndrueshme dhe të lumtura, ndoshta fëmijët e tyre të zgjedhin besimin që dëshirojnë. Në këtë aspekt, Shqipëria është një shembull i shkëlqyer i tolerancës dhe i harmonisë fetare", vijoi Meta. Sipas kreut të Kuvendit, "koncepti dhe projekti i integrimit evropian, që vendet e rajonit tonë kanë përqafuar, ideja e pranimit të të njëjtit flamur vlerash të përbashkëta evropiane dhe euro- atlantike, hyrja në këtë klub demokracie si të ndryshëm, por të barabartë, është çlirimi përfundimtar nga e shkuara dhe një fillim i ri his- torik për të ardhmen e të gjithë rajonit tone". Në fjalën e tij në këtë aktivitet, Ministri i Mirëqenies Sociale dhe Rinisë, Blendi Klosi theksoi se dialogu ndërfetar është i domosdoshëm sot duke vlerësuar harmoninë fetare që ekziston në Shqipëri. "Unë besoj se "Dialogu ndërfetar është i domosdoshëm sot dhe hapi i parë për vendosjen e tij është respekti dhe stimulimi reciprok i shoqëruar me përpjekjet e përbashkëta në rrugën e së drejtës",- u shpreh ministri.