Sekuestrohen 371 kg kanabis dhe arrestohen 4 persona në 6 operacione
Policia
e Shtetit ka vijuar operacionet antikanabis në disa rrethe të vendit. Bazuar në informacionet e siguruara në rrugë operative, rreth 200 forca policore kanë kryer kontrolle për evidentimin dhe goditjen e vendmagazinimeve të bimëve narkotike, si dhe për goditjen e trafikimit të lëndëve narkotike. Burime zyrtare nga policia bënë me dije se në 24 orët e fundit janë zhvilluar 6 operacione antidrogë. Konkretisht: 1 në Tepelenë, 2 në Memaliaj, 1 në Shkodër, 1 në Vlorë dhe 1 në Lezhë. Mësohet se gjatë këtyre operacioneve është bërë e mundur sekuestrimi i 371 kg kanabis, asgjësimi i 7.500 bimëve kanabis si dhe arrestimi i 4 personave dhe shpallja në kërkim e 2 të tjerëve. Blutë e Shkodrës kanë sekuestruar 156 kg kanabis në banesat e vëllezërve, Valentin Gjeloshi dhe Ermir Gjeloshi, të cilët kanë përfunduar në pranga. Policia e Vlorës ka sekuestruar 75 kg kanabis në një automjet që po lëvizte në aksin rrugor Kotë- Drashovicë, ndërsa ka arrestuar 22- vjeçarin Kleant Xhaka dhe ka shpallur në kërkim një tjetër. Në Vinjoll të Kurbinit u sekuestruan 10 kg kanabis, ndërsa u vu në pranga Qamil Hajdari dhe u shpall në kërkim një tjetër person. Sakaq, gjatë 3 operacioneve në Tepelenë dhe Memaliaj policia asgjësoi 7.500 bimë narkotike në proces tharjeje dhe përpunimi, 4 kapanoneve që shërbenin për tharjen e bimëve narkotike.
POLICIA
Pas njoftimit për bllokimin e rrugës, policia ka shkuar në vendngjarje. Blutë kanë kërkuar lirimin e rrugës dhe pas një debati jo të gjatë është gjetur konsensusi. Pas negocimit, banorët liruan rrugën kryesore, por bllokuan hyrjen tek rrugica e tyre. Gjergj Sokoli, përfaqësues i banorëve në këshillin bashkiak kërkoi një hetim të thellë për këtë çështje. "Si përfaqësues i kësaj zone në Këshillin Bashkiak të Shkodrës bashkohem me shqetësimin e ban-
orëve të ish-' Artistikes'. Kërkoj me forcë edhe pjesës tjetër të komunitetit këtu që ta mbështesin këtë protestë në të ardhmen. Kërkoj nga drejtësia, antikrimi ekonomik, nga Agjencia e Kthimit të Pronave, prokuroria dhe gjykatat që të hetohet kjo pronë, prejardhjen dhe kush fshihet pas kësaj. Minarja në thes nuk hyn. Nuk është aspak e drejtë që banorët të nxirren jashtë. Kanë 25 vite këtu dhe kanë punuar në veprat e shtetit, në hidrocentrale apo miniera", u shpreh këshilltari bashkiak.