Basha: Rama mashtron fermerët. Fondet, për shpenzimet e luksit
“Rama ‘ bylmez’, NIPT- i justifikim për të mos dhënë subvencione”
Kreu
i PD- së, Lulzim Basha, akuzoi dje kryeministrin Edi Rama se po mashtron fermerët kur flet për mungesë fondesh. Në këtë mënyrë reagoi dje z. Basha pas takimit të kryeministrit me fermerët në Çorovodë. Sipas Bashës, vetëm në 1 vit qeveria “Rama” ka shpenzuar 92 milionë dollarë për udhëtime jashtë vendit dhe komoditetin e zyrave, si dhe 88 milionë dollarë ua ka shpërndarë në formë tenderash 11 klientëve të tij. “Ca thonë e ka nga injoranca, se në punë të ekonomisë dhe bujqësisë është bylmez. Ca thonë e ka nga droga, nga prodhimi dhe konsumi. Fermerët hallexhinj, por të zgjuar e dinë se e ka nga hajdutëria. Interesi i tij i vetëm janë paratë dhe pushteti, prandaj kujdesin e ka vetëm për kriminelët dhe trafikantët, të cilët i garantojnë para dhe pushtet. Për fermerët ka talljen, arrogancën, përbuzjen”, u shpreh z. Basha. Sipas tij, nëse nuk do blinte mobilie, nëse nuk do shpërblente klientët,
AKUZA
“NIPT- i për fermerin është justifikimi i Ramës për të mos u dhënë subvencione. Fermerët nuk kanë dhe nuk do të kenë nevojë për NIPT, sepse kanë numrin e tyre personal të identifikimit. Me numrin personal që ka çdokush në kartën e identitetit, me 100 milionë dollarë në vit buxhet për grante dhe jo kredi, ne kemi dhe do japim zgjidhje”. kryeministrit do t’i tepronin paratë për të subvencionuar çdo fermer shqiptar. “S’ka para për fermerët thotë Edi Rama kudo që shkon, sepse paratë i ka për vete, për miqtë dhe klientët e tij. Vetëm ne 1 vit, 88 milionë dollarë kanë marrë 11 klientë, ndërtues dhe bashkëpunëtorë të Edi Ramës. 92 milionë dollarë të tjerë janë shpenzuar për zyra, makina, orendi, bileta avionësh. 180 milionë dollarë vetëm në një vit kanë përfunduar në xhepat e Ramës dhe miqve të tij. Dalin e teprojnë këto para për të subvencionuar çdo fermer shqiptar dhe për të investuar në kanale kulluese e vaditëse, për të asfaltuar rrugë dhe nderuar ujësjellës. Nuk ka e nuk do ketë as investime, as subvencione me këtë kryeministër. Edi Rama nuk ka zgjidhje për fermerët, vetëm tallje dhe justifikime”, tha z. Basha.