Shmanget atentati ndaj kryeministrit serb Vuçiç
Policia: Janë zbuluar armë e municione pranë shtëpisë së tij Dyshimet, mbi kryespiunin rus Patrushev
Kryeministri serb, Ale ksandër Vuçiç i ka shpëtuar një atentati të planifikuar kundër tij. Të paktën kështu ka deklaruar ministri i Mbrojtjes në Serbi, Nebojsa Stefanoviç, i cili ka thënë se pranë shtëpisë së kryeministrit janë gjendur armë dhe municione që përdoren për të sulmuar makinat e blinduara. Hetuesit janë duke analizuar se si ka ndodhur ngjarja, ndërsa po hetojnë të gjitha pistat e dyshimit dhe po bëjnë edhe analizat e ADN- së së gjurmëve, nga armët që janë gjetur në një zonë malore në afërsi të shtëpisë së kryeministrit. Policia thotë se, vetëm 15 metra nga shtëpia e babait të Vuçiç, në një kthesë ku zakonisht duhet ulur shpejtësia, janë gjetur Ministri i Çështjeve Sociale, Aleksandër Vulin, i cili është mik personal i kryeministrit, i ka drejtuar akuzat pikërisht te Rusia dhe aleatët e saj në qeveri, siç është ministri i Jashtëm, Daçiç, por edhe presidenti Nikoliç. Daçiç, nga ana e tij, tha se duhet të bëhen të gjitha hetimet, por ai është njeriu që shikohet më me dyshim nga të gjithë.
shumë armë të vendosura në arka. Një minahedhës, 4 bomba dore dhe 100 plumba, municion për armë automatike dhe armë të kalibrit të lartë, si dhe 15 plumba të një kalibri të panjohur. "Jam i brengosur për këto ngjarje, pasi këto armë përdoren për të sulmuar makina të blinduara. Vendi ku janë gjetur është i përkryer për atentat", - tha Nebojsa Stefanoviç. Ministri i Brendshëm i ka lëshuar një ultimatum shefit të shërbimit sekret, që është një organ i cili varet nga presidenti Tomislav Nikoliç. "Në qoftë se ai ( shefi i BIA- s) nuk
gjen dot se kush janë ata që fshihen pas këtyre armëve, duhet të japë dorëheqjen", - deklaroi Nebojsa Stefanoviç. Të gjitha shërbimet e sigurisë janë aktivizuar menjëherë dhe janë përfshinë në kërkime gjatë gjithë natës. Sipas vlerësimeve, sasia e armëve të gjetura ishte e mjaftueshme për të shkatërruar një kolonë automjetesh, makina, autobusë dhe kamionë. Ai deklaroi se policia është informuar nga një qytetar që po zinte peshk në liqenin që ndodhet në Janijcë, por mediat serbe opozitare theksojnë se informa- cioni ka ardhur nga shërbimet sekrete të vendeve të NATO- s. Pas zbulimit të policisë, janë marrë menjëherë masat që Aleksandër Vuçiç dhe familja e tij të jenë të sigurt. Në lidhje me ngjarjen, vetë kryeministri serb ka dhënë një deklaratë, ku ka sqaruar se është e çuditshme nëse nuk gjenden gjurmë tek armët e sekuestruara, ndërsa ka treguar se një alternativë është edhe shpallja e gjendjes së jashtëzakonshme. "Aty ka fëmijë dhe mund të gjenin armët, kjo më brengos më së shumti. Është e çuditshme që armët të gjenden dhe të mos ketë gjurmë. Nuk dua të shpall gjendjen e jashtëzakonshme, pasi Serbia nuk ekziston vetëm për mua", - tha Aleksandër Vuçiç. Shefi i diplomacisë, Ivica Daçiç ka thënë se duhet bërë kujdes, pasi historia përsëritet gjithmonë.