Luan Rama: S’merrem me mistrecllëqe. Balla: Bashkë me LSI në qershor 2017
“Rimartesa” LSI- PD, reagojnë deputetët e dy partive aleate Drejtuesi i LSI: Qeveria të përqendrohet te reformat
Sekretari i Përgjithshëm i LSI- së, Luan Rama e ka cilësuar “batutë”, madje edhe “mistrecllëk”, atë që tha një ditë më parë kryeministri Edi Rama në lidhje me koalicionin mes LSI- së dhe PS- së. “Nëse LSI- ja nuk rimartohet djathtas, ne do vazhdojmë së bashku majtas”, - tha Edi Rama. I pyetur nga gazetarët në lidhje me këtë, sekretari i LSI- së u shpreh dje: “Nuk jam këtu dhe nuk do të merrem as me batuta dhe as me mistrecllëqe batutash”. “Është e rëndësishme që në mënyrë të veçantë mazhoranca, por në mënyrë më specifike qeveria, të jetë e përqendruar dhe e fokusuar maksimalisht te përmbushja e detyrimeve dhe reformave të mëdha, në të cilat është përfshirë vendi. Në mënyrë të veçantë do të theksoj se, në këtë moment është shumë i rëndësishëm realizimi me seriozitet dhe me përkushtim i reformës zgjedhore”, - u shpreh Luan Rama. “Është gjithashtu një prioritet nga i cili nuk mund të ikim, por duhet të jemi të fokusuar maksimalisht: lufta kundër krimit, e në mënyrë të veçantë lufta kundër trafikut të drogës. Dhe, gjithashtu, ajo çfarë është në fund të fundit thelbi i gjithë këtij procesi, është realizimi i reformave ekonomike për të sjellë produkt në cilësinë e jetës dhe në mirëqenien e qytetarëve, duke e vlerësuar maksimalisht partneritetin serioz me FMN- në”, - u shpreh Luan Rama. Ndërsa nënkryetari i Grupit Parlamentar të PS- së, Taulant Balla u shpreh i sigurt në vijimin e aleancës me LSI- në. “Aleanca për Shqipërinë Europiane, me të gjitha reformat që ka ndërmarrë në këto 3 vite e pak, është e bindur që edhe në qer-
shor të 2017- ës, do të marrë besimin e shqiptarëve për të qeverisur. Sigurisht, bashkë me LSI- në”, - u shpreh Balla. Sipas tij, pa LSI- në nuk do të “Aleanca për Shqipërinë Europiane, me të gjitha reformat që ka ndërmarrë në këto 3 vite e pak, është e bindur që edhe në qershor të 2017- ës, do të marrë besimin e shqiptarëve për të qeverisur. Sigurisht, bashkë me LSI- në”.
procedohet as me amendamentet e reformës zgjedhore.
REFORMA ZGJEDHORE
Bashkëkryetari i komisionit të posaçëm, Taulant Balla, ka gati draftin me ndërhyrjet në ligjin e zgjedhjeve, i cili do t’i përcillet komisionit vetëm pas dakordësisë së LSI- së e PDIU- së. Ndërsa PD- së i kërkon të caktojë 2 qarqe ku të eksperimentohet me numërimin dhe identifikimin elektronik të zgjedhësve, para se të kalojë buxheti. “Meqë jemi në kohë, duhet të na sjellin draftimin për buxhetin që t’i shtojmë buxhet KQZ- së. PD- ja, më shumë sesa të bërtasë, le të bëhet pjesë e procesit”, - tha Balla. I pyetur në lidhje me reformën në drejtësi, Balla tha se PD- ja ka aleancë me gjyqtarët e korruptuar, duke shtuar se opozita duhet ta ketë të qartë se ligjet e kësaj pakete do të miratohen. Më herët, Sekretari i Përgjithshëm i LSI- së, Luan Rama, i pyetur në lidhje me propozimet për reformën zgjedhore, tha: “Ne kemi përfaqësuesin tonë në Komisionin e Posaçëm të Reformës Zgjedhore, dhe gjithë qëndrimin tonë, gjithë kontributin tonë pozitiv, konstruktiv dhe efikas, ne do ta japim në këtë komision dhe në Kuvend kur të vijë për të diskutuar drafti, para se të kalojë procedura e miratimit tërësor në Kuvend”.