Athina kërcënon, Tirana: E papranueshme
Ministria e Jashtme shqiptare thërret ambasadoren greke: Gjuhë e papranueshme dhe anakronike MPJ greke: Nëse e doni integrimin, mos i prishni ndërtimet në Himarë
Ministria e Punëve të Jashtme greke ndë rhyri dje në punët e brendshme të Shqipërisë duke kritikuar lajmërimin e prishjes së disa ndërtimeve në Himarë. Athina zyrtare kërcënoi me integrimin e Shqipërisë, ndërkohë që kjo gjuhë u quajt anakronike nga qeveria e Shqipërisë. Ministria jonë e Jashtme thirri ambasadoren greke në Tiranë për t'i transmetuar qëndrimin kundër ndërhyrjes së fqinjëve në çështjet shqiptare.
QENDRIMI I GREKEVE
Në një deklaratë për shtyp publikuar në faqen e saj zyrtare, Ministria e Jashtme greke thekson se ndjek me shqetësim të veçantë ngjarjet që zhvillohen në Himarë, ku 19 familje të minoritetit grek janë paralajmëruar se kanë afat vetëm 5 ditë për t'u larguar nga shtëpitë e tyre, të cilat do të shemben. Në deklaratë thuhet se është e papranueshme që kryebashkiaku Goro ka firmosur fletë- lajmërimet, të cilat u janë dorëzuar pronarëve të shtëpive pikërisht në ditën e festës kombëtare të Greqisë. Ministria e Jashtme greke thekson se organet shqiptare duhet të anulojnë menjëherë shembjen e këtyre shtëpive dhe të bashkëpunojnë me pronarët e tyre për restaurimin e Himarës. "Mbrojtja e të drejtave të pronës si dhe e të drejtave të minoritetit përbën një pjesë të pandarë të pesë kushteve që ka vendosur BE- ja për fillimin e negociatave integruese të Shqipërisë në familjen europiane", vazhdon më tej deklarata. "Ndaj, nëse Shqipëria dëshiron sinqerisht të integrohet në BE, do të duhet të provojë me vepra se funksionon si shtet i së drejtës, duke mbrojtur nga arbitrariteti dhe veprimet e paligjshme të drejtat e gjithë banorëve të saj, pavarësisht prejardhjes së tyre kombëtare", thuhet në deklaratë. Duke përfunduar deklaratën, Ministria e Jashtme thekson se Ambasada greke në Tiranë ndjek vazhdimisht gjendjen dhe ndodhet gjithnjë përkrah minoritarëve, ndërsa ka njoftuar edhe organet përkatëse shqiptare në nivel të lartë dhe organizmat ndërkombëtare si dhe përfaqësuesit e komu-
"Është rasti të themi se habia pason habinë kur bëhet fjalë për qëndrimet e MPJ greke. Tonet kërcënuese të deklaratës dhe njohja e cekët e situatës dhe rrethanave, nuk mund të mirëkuptohen në Europën e sotme, përveçse si një mesazh i destinuar për konsum të brendshëm. Shqipëria nuk bën dallime në respektimin e parimeve të shtetit të së drejtës. Procedurat ligjore të ndjekura nga Bashkia Himarë, që kanë në fokus shndërrimin e qytetit të Himarës në një destinacion turistik europian, janë transparente dhe në përputhje me legjislacionin në fuqi. Deklaratat e përsëritura të MPJ greke dhe gjuha anakronike për Himarën janë të papranueshme dhe në kundërshtim me parimet "Procedurat ligjore të ndjekura nga Bashkia Himarë, që kanë në fokus shndërrimin e qytetit të Himarës në një destinacion turistik europian, janë transparente dhe në përputhje me legjislacionin në fuqi", thuhet në qëndrimin e MPJ- së. themelore të shtetit të së drejtës. Parime të cilat orientojnë veprimtarinë e institucioneve të shtetit shqiptar. Bazuar në sa më sipër e në pajtim me praktikat diplomatike, Ministria e Punëve të Jashtme ka thirrur për sqarime Ambasadoren e Greqise në Tiranë duke shprehur qëndrimin e mësipërm", thuhet në reagimin e djeshëm të Ministrisë së Jashtme të Shqipërisë.