Hidhet nga kati i 6- të i hotelit, 52- vjeçarja çeke në gjendje të rëndë
Në dhomë i gjenden shishe alkooli boshe
Një
52- vjeçare çeke ka tentuar të vetëvritet duke u hedhur nga kati i gjashtë i "Hotel Tirana" në kryeqytet. Fatmirësisht ajo ka rënë në verandën e katit të tretë dhe është dërguar menjëherë në spital, ku ndodhet në gjendje të rëndë. Sipas policisë, Hana Demetrova, para se të kryente aktin e rëndë kishte lënë edhe një letër në tavolinën e dhomës, ku shkruante: "Unë po vetëvritem. Jam dakord që organet e mia mund t'i përdorin njerëzit që kanë nevojë". Ndërkaq, të mbërritur në vendin e ngjarjes, policia nisi hetimet për këtë ngjarje, ndërsa për sqarimin e plotë të rrethanave pritet të merret në pyetje 52- vjeçarja, në momentin që do të
POLICIA
"Më datë 31.10.2016, rreth orës 14: 10, në bulevardin ' Zogu I', te hotel ' Tirana Internacional', dyshohet se ka rënë një shtetase nga lartësia. Policia e gjeti atë në tarracën e verandës së hotelit. Shtetasja çeke, H. D., 52 vjeçe, është hedhur nga dritarja e dhomës së saj në katin e 6- të. Në dhomën e saj është gjetur e lënë nga kjo shtetase, mbi tavolinë, një letër."
jetë në gjendje më të mirë shëndetësore. Burime pranë policisë, sqaruan se shtetasja çeke ka disa muaj që jeton në vendin tonë. Ndërkohë, në dhomën e gruas, e cila qëndronte në këtë hotel, që
prej datës 28 tetor, u gjetën edhe disa shishe boshe të cilat kanë qenë me pijë alkoolike. Duke u nisur nga ky fakt, dyshimet e policisë bien mbi faktin se 52- vjeçarja mund të ketë konsumuar alkool para se të kryente aktin e rëndë. Në lidhje me të, media çeke ka shkruar për një sërë historish mashtrimi ku janë përfshirë disa persona nga Praga, por edhe Shqipëria. Mësohet se Demetrova ka investuar në alpet shqiptare, e sidomos në zonën e Thethit, duke hyrë në një marrëveshje me një shtetas shqiptar, marrëveshje e cila është prishur më vonë. Çekja ishte e angazhuar me organizatat joqeveritare në Shqipëri, duke marrë pjesë në një sërë aktivitetesh, përfshirë edhe prezantimin e vendit tonë tek investitorët çekë. Gjithashtu, ajo ishte pjesëmarrëse në marshimin e solidaritetit të zhvilluar disa muaj më parë në Shkodër pas vrasjes së çiftit të turistëve çekë në zonën e Thethit. E pyetur nga mediat, ajo u shpreh në atë kokë se vlerëson solidaritetin e shqiptarëve. Kurse, në profilin e saj në "Facebook", vërehen fëmijë të vrarë, fëmijë të plagosur, fëmijë në gjak si dhe momente lufte.