Kushtetuesja rrëzon kërkesën e serbëve për Trepçën
Hashim Thaçi: Dekretova ligjin
Gjykata
Kushtetuese e Kosovës ka refuzuar kërkesën e "Listës Serbe" për të shqyrtuar kushtetutshmërinë e ligjit për "Trepçën", të miratuar disa javë më parë nga Kuvendi i Kosovës. Sipas vendimit të saj, dhënë gjatë ditës së djeshme, ligji për "Trepçën" është kushtetues për nga përmbajtja dhe për nga procedurat e ndjekura për miratim në Kuvend. Ligji për "Trepçën" e kthen kompleksin në një shoqëri aksionare, ku qeveria ka në pronësi 80% të aksioneve. Beogradi, duke pretenduar ende pronësinë, kërkon futjen e "Trepçës" në bisedimet për normalizimin e marrëdhënieve me Prishtinën, të ndërmjetësuara nga BE- ja. Për këtë shkak, që nga miratimi i këtij ligji në fillim të tetorit, përfaqësuesit e pakicave serbe kanë bojkotuar institucionet e Kosovës. Megjithatë, menjëherë pasi Gjykata Kushtetuese u shpreh, Presidenti i Kosovës, Hashim Thaçi e ka dekretuar ligjin për Trepçën, duke i hapur kësh- tu rrugë përfundimisht zbatimit të tij. Hashim Thaçi deklaroi publikisht se: "Sapo nënshkrova ligjin për Trepçën, pas vendimit të Gjykatës Kushtetuese. Kosova është vendburim i minierave e mineraleve të shumta, por Trepça si pasuri nacionale vazhdon të mbetet e rëndësisë strategjike për ne dhe mirëqenien sociale".