Aksidentohet autobusi i Bylisit, shtyhet ndeshja me Lushnjën

Autobusi

i skuadrës së Bylisit është aksidentuar ditën e sotme në aksin Ballsh- Patos, teksa po udhëtonte drejt qytetit të Lushnjës për të transportuar ekipin ballshiot për takimin e vlefshëm për Kategorinë e Parë. Autobusi ka goditur nga mbrapa një mjet tip "Benz". Për fat të mirë, përplasja nuk ka shkaktuar asnjë viktimë. Disa futbollistë të Bylisit janë dëmtuar me shembje në kraharor dhe janë tronditur nga aksidenti. Ndërkohë, FSHF- ja ka njoftuar se ndeshja e futbollit mes Lushnjës dhe Bylisit, e programuar për t'u luajtur ditën e sotme në orën 14: 00, është shtyrë. "Ndeshja Lushnja- Bylis, e planifikuar për t'u zhvilluar sot në orën 14: 00, për shkak të një aksidenti automobilistik me autobusin e KF Bylis, do të shtyhet për ditën e nesërme, më datë 1, ora 14: 00".