Fleckenstein: Të hapen negociatat me Shqipërinë, reformat kriter
Draftrezoluta me 14 pika. Debat për Shqipërinë në Komisionin e Jashtëm të PE Eurodeputeti grek: Do të vendosim veto
Komisioni i Punëve të Jas htme të Bashkimit Eu ropian diskutoi dje raportin për Shqipërinë, shoqëruar me debate të shumta, nëse duhet të hapen negociatat në muajin dhjetor. Raportuesi për vendin tonë, Knut Fleckenstein kërkoi një vendim të shpejtë nga shtetet anëtare për hapjen e negociatave. Sipas tij, BE duhet të hapen negociatat me Shqipërinë dhe të vihet kriter zbatimi i reformave. "Kam një sugjerim, nuk mund të presim deri në implementimin e reformës në drejtësi, por le të hapen më parë negociatat për Shqipërinë, duke i vendosur si kusht zbatimin e plotë të reformave. Mendoj se nuk duhet të krijojmë asnjë konfuzion", deklaroi z. Fleckenstein. Por, një prej eurodeputetëve grekë në komision ngriti problemin e shembjes së shtëpive në Himarë të minoriteti grek. Eurodeputetët grekë gjithashtu thanë se nuk është normale që në Shqipëri qarkullon ideja e "Shqipërisë së Madhe", pasi kështu rrezikohet stabiliteti në rajonin e Ballkanit. Ndër kushtet, sipas tij, janë respektimi i të drejtave të minoritetit grek, duke përmendur rastin e vendimit për prishjen e disa shtëpive në Himarë, për të cilat ata thanë se është shkelje e hapur e të drejtës së pronës. "Shqipëria nuk është gati për të hapur negociatat dhe duket sikur BE po bën të njëjtat gabime me Shqipërinë, ashtu si ka bërë me Turqinë. Greqia do të vendosë veton për anëtarësimin e Shqipërisë në BE nëse nuk ka përmirësime", deklaroi eurodeputeti grek. Nga ana e tij, raportuesi i Shqipërisë, Fleckenstein kishte një përgjigje për eurodeputetët grekë, për të cilët tha se janë shfaqur shpeshherë problematikë kur flitet për anëtarësime të në BE. "Kolegët grekë shpesh pretendojnë probleme me shumë vende", tha Fleckenstein. Pak ditë pasi Parlamenti Europian u kërkoi vendeve anëtare të Unionit pe- zullimin e përkohshëm të bisedimeve të anëtarësimit me Turqinë, Komiteti i Jashtëm Europarlamentar merr në shqyrtim draftrezolutën për Shqipërinë, e cila "mbështet plotësisht anëtarësimin e vendit në BE dhe bën thirrje për hapjen e negociatave", sipas rekoman- dimit të Komisionit Europian, më 9 nëntor. Në 7 faqe përmblidhen 21 paragrafë të dokumentit të hartuar nga raportuesi Knut Fleckenstein, ku krahas njohjes së progresit të qëndrueshëm në procesin e anëtarësimit drejt BE- së, theksohet edhe rëndësia për dialog konstruktiv politik, "zbatimin e plotë dhe në kohë" të reformave integruese, në veçanti për paketën e drejtësisë, por edhe përmbylljen e reformës elektorale përpara mbajtjes së zgjedhjeve parlamentare të 2017- ës, duke kujtuar në këtë kuadër rëndësinë e transparencës së financave të partive politike. Ky draft pritet të pësojë ndryshime, pas paraqitjes në Komitetin e Jashtëm, të martën pasdite. Mësohet së eurodeputetët kanë afat deri më 10 janar 2017 për të dorëzuar amendamentet e tyre dhe draftrezoluta për Shqipërinë pritet të miratohet nga PE gjatë seancës plenare të muajit shkurt.
Gjatë diskutimit në Komisionin e Jashtëm të PE- së, një prej eurodeputetëve grekë në komision ngriti problemin e shembjes së shtëpive në Himarë të minoriteti grek.
Raportuesi i Shqipërisë, Fleckenstein kishte një përgjigje për eurodeputetët grekë, për të cilët tha se janë shfaqur shpeshherë problematikë kur flitet për anëtarësime të në BE. "Kolegët grekë shpesh pretendojnë probleme me shumë vende", tha Fleckenstein.