Klajda Gjosha: Zgjedhjet janë kriter, jo kusht për negociatat
Ministrja e Integrimit: Takimi njëorësh me Merkel, na dha mbështetje “Gati të negociojmë për konsensus me opozitën”
Ministrja e Integrimit, Klajda Gjosha dek laroi dje, se sa më shpejt të nisë zbatimi i ligjit të vetingut, aq më shpejt mund të nisin negociatat për anëtarësimin e Shqipërisë në BE. Një ditë pas takimit me kancelaren Angela Merkel, ministrja e Integrimit, Gjosha falënderoi kancelaren për mbështetjen që u ka dhënë shqiptarëve në këtë proces historik të integrimit. “Vlerësimi i saj për reformat ishte vërtet pozitiv. Pozitiv ishte edhe qëndrimi për të pasur një proces të qëndrueshëm, pa surpriza përmes implementimit të procesit të vetingut”, - u shpreh Gjosha. “Nuk mundem natyrisht, të jap detaje nga bashkëbisedimi prej afro një ore pas konferencës së shtypit, mes kryeministrit Rama dhe kancelares Merkel, ku kam qenë e pranishme së bashku me kolegun Bushati. Por, mund t’ju siguroj se kemi mundur të konstatojmë edhe njëherë mbështetjen e qartë të kancelares, në këtë proces sa historik, aq edhe delikat për shqiptarët”, - tha Gjosha. “Gjithçka tanimë varet nga ecuria e ligjit të vetingut. Sa më shpejt të zhbllokohet ky ligj dhe të nisë zbatimi i tij, aq më parë Shqipëria mund të çelë zyrtarisht negociatat për anëtarësim”, - tha ministrja Gjosha. Ministrja e Integrimit u shpreh optimiste se në dhjetor zhvillimet do të jenë pozitive. “Dje kemi bërë një hap, ndoshta më të rëndësishëm drejt vendimit të mesit të dhjetorit, ku do të njihemi me qëndrimin final të vendeve anëtare, lidhur me rekomandimin pozitiv të Komisionit Europian për çeljen e negociatave”, - tha ministrja Gjosha. “Po kështu, pozitiv ishte fakti i të qenit në një mendje, për të pasur një proces të qëndrueshëm, të parashikueshëm, pra pa surpriza, duke u fokusuar te fillimi i zbatimit të ligjit të vetingut dhe 5 prioritetet, për t’i mundësuar kështu Komisionit një raport të ndërmjetëm në funksion të vendim- it nga vendet anëtare, për datën e hapjes së negociatave”, - shtoi ministrja e Integrimit. Sipas saj, “natyrisht, ky është një proces i brishtë, për vetë faktin se gjykimi i çdo vendi anëtar varet edhe nga koniunktura e politikës së brendshme në secilin prej vendeve, por nga ana tjetër, pesha e Gjermanisë në këtë proces, dihet që nuk është e vogël. Ndaj ne kemi një optimizëm të arsyeshëm që gjërat do të zhvillohen pozitivisht”. “Si ministre e Integrimit, do doja edhe njëherë të sjell në vëmendjen e opinionit publik, se procesi i integrimit u përket të gjithë shqiptarëve. Do doja gjithashtu t’u bëja thirrje klasës politike dhe gjithë institucioneve, të tregojnë maturinë, gatishmërinë maksimale dhe angazhimin më të devotshëm për të bërë çfarë është e mundur që të përshpejtohet ky proces”, - tha Gjosha. Ajo shtoi se, “integrimi i Shqipërisë është një rrugë pa kthim pas, qëndron mbi axhendat partiake, ndaj duhet të jemi të gjithë bashkë për t’i pasur sa më të lehta sfidat që na presin”. Ministrja u pyet nga gazetarët se a do të jetë e gatshme mazhoranca të pranojë një vendim hipotetik të Gjykatës Kushtetuese në mënyrë që të ketë sërish një ligj konsensual. “Nuk mund të paragjykojmë asnjë vendim që mund të vijë nga Komisioni i Venecias apo Gjykata Kushtetuese. Të shohim më parë vendimin dhe pastaj jemi të gatshëm të shohim për një zgjidhje”, - u shpreh Gjosha për këtë.
ZGJEDHJET
E pyetur po ashtu se a janë zgjedhjet një kusht për hapjen e negociatave të anëtarësimit, Gjosha u shpreh se zgjedhjet e ardhshme parlamentare janë kriter, jo kusht për çeljen e negociatave. “Zgjedhjet janë një kusht që çdo vend duhet të plotësojë. Ato janë shumë të rëndësishme, ndaj duhet që reforma zgjedhore të përfundojë sa më shpejt, me konstruktivitet dhe dialog, që të jetë në funksion të të gjithë shqiptarëve”, - u shpreh ministrja Gjosha. Të hënën, kancelarja gjermane e përmendi çështjen e zgjedhjeve gjatë konferencës së përbashkët që ajo pati me kryeministrin shqiptar, Edi Rama. “Komisioni Europian ka përmendur 5 prioritete, dhe këtu bëjnë pjesë zbatimi i qëndrueshëm i reformës së drejtësisë, lufta kundër krimit të organizuar dhe korrupsionit. Këta janë hapa të përhershëm që duhen kryer. Duke pasur parasysh edhe zgjedhjet që ka, Shqipëria do të vihet në kontakt edhe me OSBE- në”, - tha Merkel, në daljen e përbashkët me kryeministrin shqiptar Rama. “Nuk mundem natyrisht, të jap detaje nga bashkëbisedimi prej afro një ore pas konferencës së shtypit, mes kryeministrit Rama dhe kancelares Merkel, ku kam qenë e pranishme së bashku me kolegun Bushati. Por, mund t’ju siguroj se kemi mundur të konstatojmë edhe njëherë mbështetjen e qartë të kancelares, në këtë proces sa historik, aq edhe delikat për shqiptarët”, - tha Gjosha. Unioni dhe Shoqata e Gjyqtarëve të Shqipërisë janë bërë bashkë dhe kanë vendosur të ankimojnë në Kushtetuese ligjin “Për statusin e gjyqtarëve dhe prokurorëve në Republikën e Shqipërisë”, që hyri në fuqi më datë 22 nëntor 2016. Përfaqësues të Unionit dhe Shoqatës së Gjyqtarëve, thanë për “News24” se ligji në fjalë bie ndesh me Kushtetutën, e për rrjedhojë duhet shfuqizuar.
“Ato janë shumë të rëndësishme, ndaj duhet që reforma zgjedhore të përfundojë sa më shpejt, me konstruktivitet dhe dialog, që të jetë në funksion të të gjithë shqiptarëve.”