Basha fton Ramën: Amendojmë Vetingun pa Kushtetuesen
Kreu i PD- së: Nëse do pastrimin e politikës, shkarko Elvis Rroshin, Bushin e Prengën "Qepe! Mjaft sulmove opozitën! Për ty s'do të ketë paqe"
Kreu i PD- së, Lulzim Basha, ftoi dje kryeministrin Edi Rama që të amendojnë menjëherë ligjin për vetingun, duke respektuar dispozitat kushtetuese. Z. Basha i kërkoi kryeministrit Rama të ndalë sulmet ndaj opozitës, si dhe e paralajmëroi se nuk do të ketë paqe për të, nëse vazhdon të mbështesë drogën dhe krimin. Z. Basha reagoi mesditën djeshme pas deklaratave të kryeministrit Edi Rama, i cili fajëson opozitën për bllokimin e vetingut dhe rrjedhimisht, edhe të çeljes së negociatave për integrimin në BE. Lulzim Basha e quajti vetingun pretekst të Edi Ramës për të justifikuar atë që ai e quajti si "dështim të tij", ndërsa dha edhe një rrugëzgjidhje për këtë ligj, zgjidhje që shmang Gjykatën Kushtetuese. "Lidhur me vetingun, unë dhe Partia Demokratike jemi gati të amendojmë ligjin pa pasur nevojë që të presim Gjykatën Kushtetuese. Kushtetuta thotë që vetingun duhet ta bëjë Kuvendi, kurse Edi Rama do ta bëjë ai vetë. Ai e ka vetingun pretekst për të mbuluar dështimin e tij. Zgjidhja është e thjeshtë dhe mund të bëhet që tani, duke respektuar Kushtetutën e vendosur me konsensus", deklaroi kreu i PD. Përmes një deklarate për mediat, z. Basha i kërkoi Ramës "ta qepë" dhe të mos bëjë sulme prej Don Kishoti ndaj opozitës dhe politikanëve evropianë. "Muri që mban të izoluar Shqipërinë është muri i krimit, i drogës dhe i korrupsionit qeveritar. Është mungesa e zgjedhjeve të lira dhe të ndershme. Shqetësimi kryesor i liderëve europianë për Shqipërinë është depërtimi i krimit në politikë, droga dhe korrupsioni. Kjo i është bërë e qartë Edi Ramës nga çdo politikan që ka takuar, pa asnjë përjashtim. Më është bërë e qartë edhe mua si kryetar i opozitës. Shikoni mediat shtetërore italiane, gjermane, zvicerane, austriake, britanike për të kuptuar se çfarë e shqetëson realisht Europën. Ndaj, në emër të opozitës kam një thirrje të
thjeshtë për Edi Ramën: Qepe! Mjaft më me sulmet e turpshme prej Don Kishoti ndaj politikanëve më të lartë nga Amerika në Austri, në Gjermani, në Holandë, në Greqi e kudo! Mjaft më, duke shpallur armik opozitën dhe shumicën e popullit tënd! Nuk do të ketë kurrë paqe dhe përparim për Shqipërinë me drogë, krim dhe kriminelë në politikë. Nuk do të ketë paqe as për ty, nëse vazhdon të fshehësh dhe mbështesësh drogën dhe krimin", dek- Lulzim Basha e quajti vetingun pretekst të Edi Ramës për të justifikuar atë që ai e quajti si "dështim të tij", ndërsa dha edhe një rrugëzgjidhje për këtë ligj, zgjidhje që shmang Gjykatën Kushtetuese.
laroi z. Basha. Basha. Kreu i PD akuzoi se, "Edi Rama nuk do zgjidhje për vetingun, ai e ka pretekst për të mbuluar dështimin e tij". Z. Basha theksoi më tej se tha se qeveria po krijon armiq imagjinarë në Perëndim për t'iu shmangur, sipas tij, gjendjes së krimit dhe drogës në vend. "Kryeministri nuk ka nevojë për vetingun për të bërë pjesën e tij. Nëse e do vërtetë pastrimin e politikës nga krimi, të shkarkojë që sot Elvis Rroshin. Për sa kohë mban
në politikë Bushin, Rroshin, Prengën etj., përbetimet e tij për veting në drejtësi janë përralla. Unë dhe shqiptarët e ndershëm e duam Shqipërinë në Europë pa krim dhe korrupsion. Kjo është beteja që na bashkon", theksoi kreu i opozitës, Lulzim Basha. Reagimi i kreut demokrat mbërriti pas fjalës së mbajtur nga kryeministri Edi Rama pas kthimit nga vizita në Gjermani dhe takimit që pati atje me Kancelaren Angela Merkel.