Reforma në bujqësi formalizon 30 mijë fermerë
Këshilli i Investimeve zbardh vështirësitë e fermerëve
riudha kohore është shumë e limituar në 18 muaj dhe të dhënat janë edhe nën ndikimin e sezonalitetit të prodhimit në bujqësi. Nga momenti i aplikimit të skemës deri më tani, sipas DPT- së, vlera e kompensimit të TVSH- së llogaritet në rreth 627 milionë lekë. “Por disa shqetësime e rrethojnë procesin”, analizon Këshilli i Investimeve. Sipas studimit, informacioni dhe ndërgjegjësimi i pamjaf- tueshëm i fermerëve mbi regjistrimin me NIPT redukton mundësitë për efektivitetin e skemës. Nga intervistat me vetë fermerët, regjistrimi me NIPT deri më sot, mund të thuhet se ka ardhur kryesisht si pasojë e “presionit” dhe rolit të grumbulluesit dhe përpunuesit. Shumica e fermerëve të kontaktuar e pranojnë se nuk kanë marrë këshillim mbi mënyrën e funksionimit të skemës së kompensimit dhe mbi kërkesat procedurale të regjistrimit për qëllime të kësaj skeme apo të pajisjes me NIPT. Një tjetër problem që nxjerr në pah studimi është fakti se në kushtet aktuale fermeri ka në dispozicion kartën e identitetit ( si çdo shtetas i Republikës së Shqipërisë), kartën e fermerit, si dhe NIPT- in, duke krijuar konfuzion te fermeri mbi qëllimin e secilit prej tyre. Sipas stu- dimit, pavarësisht se Udhëzimi Nr. 19 parashikon procedura të thjeshta administrative mbi mënyrën e funksionimit dhe zbatimit të skemës së kompensimit, konstatohet se edhe disa nga grumbulluesit, për- punuesit dhe tregtuesit kanë informacion të mangët lidhur me disa aspekte procedurale, të cilat janë të domosdoshme për funksionimin e skemës dhe për zbatimin e saj në praktikë.