Dervishaj: Në prill 2017, “WIZZAIR” fillon fluturimet direkte Budapest- Tiranë
Sesztak: Nga kjo marrëveshje përfitojnë të dyja palët dhe qytetarët në veçanti Nënshkruhet marrëveshja mes dy vendeve
Në prill të 2017- ës, një tjetër kompani flu turimesh ‘ low cost’ do të operojë në Shqipëri. Ministri i Transportit dhe Infrastrukturës, gjatë vizitës zyrtare në Hungari me ministrin e Zhvillimit Kombëtar, Miklos Sesztak, nënshkroi një memorandum bashkëpunimi, që i hap rrugë fillimit të fluturimeve të kompanisë ‘ low cost’ “WIZZAIR”.
MARRËVESHJA
Ministri i Transportit, Sokol Dervishaj nënshkruan një memorandum me ministrin hungarez për Zhvillimin Kombëtar. “Ky memorandum i hap rrugë fillimit zyrtar të fluturimeve të kompanisë ‘ low cost’ ‘ WIZZAIR’ në Shqipëri. Ardhja e kompanisë ‘ low cost’ ‘ WIZZAIR’ do të ketë ndikim të drejtpërdrejtë në uljen e çmimeve të biletave të avionëve”, - tha Dervishaj. Duke u ndalur te memorandumi, Dervishaj theksoi se ardhja e kompanisë “low cost” për fluturimet Budapest- Tiranë dhe anasjellas, është zhvillim shumë pozitiv për shqiptarët, që mund ta përdorin më tej Budapestin për të shkuar në destina- cione të tjera. “Fillimi i fluturimeve të kësaj kompanie të njohur ‘ low cost’, do të hapë edhe më shumë tregun shqiptar dhe do të ndikojë drejtpër- drejt në uljen e çmimeve të biletave”, - tha Dervishaj. Ministri Dervishaj tha se rivendosja e një linje ajrore mes dy shteteve, përveç ndikimit pozitiv që do të ketë në sektorin e turizmit, zgjeron mundësinë për shkëmbimet tregtare. Ministri Sokol Dervishaj u ndal dhe tek aeroporti i Kukësit, duke thënë se min- istria e ka prioritet vënien e tij në përdorim. Do të doja të shikonim hapësirën që kompania ajrore ‘ WIZZAIR’ të vijë dhe të operojë direkt, qoftë dhe me koncesion, në këtë aeroport”, - tha Dervishaj. Sesztak tha se “ky memorandum është historik, pasi të dyja palët fitojnë dhe, më e rëndësishmja, përfitojnë qytetarët”. Ministri Sesztak, gjithashtu mirëpriti propozimin për një përfshirje të mundshme të kompanisë ‘ WIZZAIR’ në aeroportin e Kukësit. Më tej, ministri Dervishaj dhe ministri hungarez Sesztak diskutuan për të bashkëpunuar në fusha të tjera, ku kompanitë hungareze janë të mirëpritura. Ministri Sesztak tha se “Hungaria është shumë e interesuar të investojë në Shqipëri, si në sektorin ajror, që tashmë është konkret si angazhim, por edhe në sektorin detar dhe atë hekurudhor”. Dy zyrtarët e lartë ranë dakord që të vijojnë takimet për të konkretizuar bashkëpunimin në sektorë të ndryshëm të ekonomisë.
RINASI
Ministria e Transporteve në prill të këtij viti firmosi heqjen e ekskluzivitetit të aeroportit “Nënë Tereza”. Ministri tha pas nënshkrimit, se është bërë e mundur arritja e marrëveshjes e cila hap një faqe të re në fushën e aviacionit shqiptar dhe liberalizon tregun e fluturimeve së shpejti, me nisjen e fluturimeve ndërkombëtare nga Kukësi. Ministri tha se në këmbim të heqjes së ekskluzivitetit, koncesioni i TIA- s u zgjat 2 vite.