Unaza e Vogël, hapet edhe segmenti i fundit
Projekti ka 7 korsi; 4 për makinat, 2 biçikletat dhe 1 për personat e verbër Veliaj: Do lehtësohet trafiku në qendër
Ditën e djeshme u hap segmenti i fundit i Un azës së Vogël, i cili pritet të lehtësojë trafikun në qendër të kryeqytetit. Falë punës intensive të Bashkisë së Tiranës, tashmë segmenti i Unazës së Vogël nga "Ushtari i Panjohur" te Banka e Shqipërisë është funksional, çka ndihmon në qarkullimin më të shpejtë të automjeteve. Në përfundim të punimeve ishte i pranishëm kryebashkiaku Veliaj, i cili theksoi se ky projekt është tregues i asaj çka mund të jetë Shqipëria nëse punohet dhe bashkëpunohet. "Ky ka qenë një projekt për të cilin flitej prej 25 vitesh, me shpronësime, me ndërtesa që duheshin prishur, me pengesa burokratike, stërkëmbësha politikë, llafe e llogje. Por, ky projekt mund të jetë edhe një metaforë e asaj çka mund të bëhet Shqipëria, nëse punohet dhe bashkëpunohet. Nëse fokusohemi te puna, atë që kemi bërë këtë vit në Tiranë, mund ta bëjmë kudo. Në qoftë se bashkia lejohet të punojë, e nëse nuk harxhojmë kohë me debate boshe apo duke i vënë stërkëmbësha njëri- tjetrit, puna ecën jashtëzakonisht mirë", - tha Veliaj. Projekti Për ndërtimin e Unazës së Vogël, brenda një kohe të shkurtër u bë e mundur shembja dhe shpronësimi i pronarëve që prekeshin nga ndërtimi i këtij segmenti, si dhe u zhvendos nënstacioni elektrik që ishte kthyer në një problem prej vitesh edhe për banorët që jetonin aty pranë. Gjithashtu, përveç ndërtimit të segmentit dhe të kanalizimeve, u zhvillua infrastruktura nëntokësore dhe mbitokësore. Sakaq, OSHEE- ja nga ana e saj bëri të mundur përfundimin e Në kryeqytet, me fillimin e muajit dhjetor do të nisë edhe diferencimi i mbetjeve, nëpërmjet ndërmarrjes publike të pastrimit, e cila është krijuar bashkërisht me Bashkinë e Veronës. "Nga java tjetër nisim procesin e diferencimit të mbetjeve në Tiranë. Patriotizëm do të thotë të ndajmë mbeturinat, që të sigurohemi që qyteti është i pastër, dhe vetëm kështu mund të themi realisht që jemi krenarë që jemi shqiptarë", - tha Veliaj. zhvendosjes dhe lidhjes së fidrave në nënstacionin elektrik në qendër më shpejt sesa ishte parashikuar në kontratë, data 15 dhjetor, duke e mbyllur të gjithë pro-
cesin në datën 26 nëntor. Kryebashkiaku vlerësoi punën e kryer në këtë segment edhe gjatë ditëve të pushimit. "Kjo është një tjetër rrugë me të gjitha
standardet. Është një rrugë që ka hapësirë për makinat, 4 korsi, gjithashtu edhe 2 korsi për biçikletat, në secilën anë, dhe ka mjaftueshëm hapësirë për këm-
bësorët në trotuare. Ka edhe një korsi të veçantë që vazhdon përgjatë gjithë Unazës së Vogël për personat e verbër, që të kenë mundësi të aksesojnë qytetin. Ishte një operacion i suksesshëm edhe zhvendosja e nënstacionit elektrik, çka do të thotë se Tiranën, me pak dëshirë, vullnet të mirë e shumë punë, mund ta çojmë në drejtimin e duhur", - tha ai. Veliaj theksoi se ky projekt nuk mbaron këtu, pasi do të vijojë puna me intensitet edhe për projektin e sheshit "Skënderbej", ndërsa kërkoi mirëkuptimin e qytetarëve për vështirësitë e krijuara në një qytet si Tirana, që është gjithmonë në zhvillim. "Do të doja që në festat e tjera të nëntorit t'i kemi përfunduar të gjitha proceset, edhe pse pjesa kryesore e sheshit do të përfundojë në qershor. Mandej, fokusin do ta kemi te ' Bulevardi i Ri'. Dua të falënderoj të gjithë qytetarët e Tiranës për durimin. Në një qytet që shtohet me nga 20 mijë vetë çdo vit, përafërsisht 50 vetë në ditë që transferohen në Tiranë, gjithmonë do të ketë ngarkesë. Gjithmonë do të ketë ngarkesë në trafik, në rrugë. Është vetëm çështje kulture që këtë shtesë të popullsisë që e kemi të destinuar çdo vit si qendër kryesore ekonomike, ta përballojmë me sa më shumë mirëkuptim", - tha Veliaj. Në këtë kuadër, kryetari i bashkisë ftoi të gjithë qytetarët që të kufizojnë përdorimin e automjeteve dhe të përdorin mjetet alternative të transportit. "Nëse vërtet nuk kemi punë në qendër, le të përdorim një Unazë pak më të largët dhe të mos e sjellim gjithë trafikun në qendër të qytetit. Unë besoj se për pjesën e qendrës duhet të përdorim sa më shumë biçikletën ose të ecim në këmbë, kurse makinën ta nxjerrim vetëm për destinacione që janë realisht të largëta, përndryshe nuk do e kemi zgjidhur trafikun", - tha ai. Kreu i bashkisë u bëri thirrje të gjithë qytetarëve që të ruajnë pastër ambientin ku jetojnë dhe punojnë.