"Himera", mes të arrestuarve zbulohet vrasësi i Dervishit
Policia: Kreu i bandës nuk ka shkelur kurrë në Greqi, ende s'e dimë identitetin Informoi "Gentin" me telefon se ngatërroi objektivin
Detaje të reja dalin nga mega- operacioni i pol icisë greke të koduar "Himera". Sipas burimeve policore, mes të arrestuarve në kuadër të organizatës së drogës është edhe vrasësi i 32- vjeçarit Rigert Dervishi. Sipas policisë greke, 36vjeçarit iu bë atentat për shkak të një borxhi që grupi u kishte furnitorëve të drogës nga Shqipëria. Hetimet pas ngjarjes së 13 nëntorit treguan se Rigert Dervishi nuk kishte dosje policore dhe nuk kishte konflikte të mëhershme. Ai punonte në ndërtim, kishte 3 fëmijë dhe ishte familjar e miqësor. Ndërsa 36- vjeçari, i cili udhëtonte me të, kishte precedentë për trafik droge. Ai është zbuluar nga një bisedë telefonike kur pas ngjarjes ka komunikuar me kreun e organizatës në Shqipëri, të cilit policia i di vetëm pseudonimin, "Genti". Vrasësi e ka informuar se gaboi shënjestër dhe vrau personin e gabuar, ndërkohë që menjëherë merr urdhër nga "Genti" që të vrasin 36vjeçarin, i cili ishte shënjestra e vërtetë. Organizata e këtij të fundit ishte detyruar të vriste një person, vetëm sepse këtë e kishte kërkuar një furnitor droge nga Shqipëria të cilit organizata i kishte borxh. Biseda e zbardhur nga policia greke zbulon gjithçka. Ajo është realizuar ndërmjet një vartësi të "Gentit" dhe një furnizuesi me drogë të organizatës, me banim në Shqipëri. Furnitori: "Më ke borxh para" ( diku tek 30.000 - 40.000 euro). X: "Nuk kam të të jap". Furnitori: "Që të lahemi, dua të vrasësh... Do të të dërgoj një njeriun tim ta bëni bashkë". Genti mësohet se kishte informacion të plotë mbi lëvizjet ekonomike të organizatës. Ai është përgjuar në një komunikim me një pjesëtar, ku ky i fundit i thotë: "Marr pesëmbëdhjetë, i sjell te ti, ku i jap letrat unë?", dhe "Genti" i përgjigjet: "Jo, jo, mos më fol kështu". Policia greke ende nuk e ka identifikuar plotësisht kreun e organizatës dhe as nuk di se në çfarë qyteti të Shqipërisë banon, por mendohet se ai nuk ka shkelur ndonjëherë në Greqi. Në organizatën e tij prej 146 anëtarësh, 39 ishin shqiptarë, ndërsa të tjerët, grekë, shumica afrikanë, ndërkohë që ishte edhe një amerikan në rolin e shpërndarësit. Gjatë shpërndarjes, anëtarët e grupit kujdeseshin që te blerësi të mblidheshin rreth 10 persona, me qëllim që mos të dalloheshin nga qytetarët e tjerë. Madje një nga anëtarët punonte si pastrues në një spital publik, ku rezulton të ketë vjedhur dhjetëra kuti me ilaçe për të sëmurët me kancer. Dosja, e cila përmban 276 faqe, shpjegon gjithashtu se paratë e fituara transferoheshin në Shqipëri me kompani të njohura transfertash. Grupi kontrollonte 35% të tregut të shpërndarjes së drogës në Athinë dhe ishte i ndarë në 7 nivele hierarkike, në varësi të detyrave që kryenin. Një tjetër detaj nga mënyra se si vepronte ky grup është se, në pakot e drogës që vinin nga Shqipëria vendosnin Biseda e zbardhur nga policia greke zbulon gjithçka. Ajo është realizuar ndërmjet një vartësi të "Gentit" dhe një furnizuesi me drogë të organizatës, me banim në Shqipëri. Furnitori: "Më ke borxh para" ( diku te 30.000 - 40.000 euro). X: "Nuk kam të të jap". Furnitori: "Që të lahemi, dua të vrasësh..."
nga një kartë bixhozi. Hetimet zgjatën 8 muaj, nga 6 oficerë që filmuan çdo
lëvizje të grupit. Kodet e grupit ishin ( majtas fjaladjathtas kodi i përdorur nga grupi): Para - Letra; Kokainë - Qumësht, Kos, Miell, Pulë; Marijuanë - Ndriçues, Zabon; Burg - Shkollë; Armë - Makineri; Peshore - Vegël; Shteti - Policia. Pritet që pas goditjes së këtij grupi të ulet me 40% niveli i shpërndarjes së drogës në Athinë. Mësohet se çmimi i një kilogrami marijuanë shkonte nga 1.200- 2.300 euro.