Tragjedia, shuhet skuadra e Çapekoenses
Fisnikëria e rivalit, Atletiko Nacional: COMNEBOL t'i dorëzojë trofeun e Copa Sudamericana- s Rrëzohet avioni që kthehej nga Kolumbia
Tragjedia e klubit bra zilian të Çapekoenses ka prekur të gjithë botën e sportit. Mes mijëra mesazheve ngushëlluese për familjarët e 75 viktimave që humbën jetën në aksidentin ajror që ndodhi në rajonin e Antioquias në Kolumbi, ka edhe një iniciativë që vjen nga klubi i Atletiko Nacional, skuadra të cilën Çapekoense do të sfidonte në finalen e Copa Sudamericana. Drejtuesit dhe të gjithë pjesëtarët e stafit të klubit kolumbian të Atletiko Nacional i kanë kërkuar konfederatës amerikano- jugore të futbollit COMNEBOL ( Federata e Amerikës Latine), t'ia dorëzojë trofeun e Copa Sudamericana skuadrës së Çapekoenses. Përballë një tragjedie të tillë, drejtuesit e Atletiko Nacional kanë lënë në plan të dytë ambiciet e klubit të futbollistëve dhe të stafit teknik, vetëm e vetëm për të bërë këtë gjest fisnik. Tashmë topi kalon te COMNEBOL, që nëse vendos të pranojë kërkesën e Atletiko Nacional, duhet t'i dorëzojë trofeun e Copa Sudamericana skuadrës braziliane, një kupë në emër të asaj që do të kujtohet gjithmonë si "Përralla Chape", një përrallë që, në vend të një fundi të lumtur, përfundoi në mënyrë tragjike. Atletiko Nacional pas suksesit në Copa Libertadores kishte mundësinë të realizonte një arritje historike duke fituar edhe Copa Sudamericana, por të ndodhur përballë një tragjedie të të tilla përmasave, klubi kolumbian është tërhequr duke bërë një hap mbrapa.
Ndërkohë, një sugjerim interesant është edhe ai i konfederatës braziliane të futbollit, që pasi ka shtyrë javën e fundit të kampionatit, i ka kërkuar COMNEBOL- it t'ua dorëzojë trofeun të dyja skuadrave, si Atletiko Nacionalit, ashtu edhe Çapekoenses, në mënyrë që të dyja ekipet të marrin pjesë në edicionin e ardhshëm të Copa Lib- ertadores. Nga 6 personat që i mbijetuan aksidentit tragjik, tre janë futbollistë, dhe bëhet fjalë për lojtarët Alan Rushel, Xhekson Fol- man dhe Helio Zampier, ndërsa shpëtuan edhe njëra prej stjuardesave, një teknik dhe një gazetar. Një tragjedi e tillë ishte e shkruar sepse, siç raportojnë mediat amerikano- jugore, klubi duhej të udhëtonte drejt Medelinit me një avion charter, por pak minuta përpara nisjes, stafi teknik dhe futbollistët e Çapekoenses ndërruan avion me urdhër të autoriteteve braziliane. Kjo fatkeqësi i mori jetën ish- lojtarit të Atletikos së Madridit, Kleber Santana, por edhe portierit Danilo, njeriut që me atë pritje fantastike me këmbë në minutat e fundit të sfidës gjysmëfinale ndaj San Lorencos bëri të mundur realizimin e një ëndrre për Çapekoensen, një ëndërr që më pas u kthye në një tragjedi të vërtetë. Ky i fundit, edhe pse fillimisht u deklarua si një nga personat që i kishte mbijetuar aksidentit, humbi jetën në spital. Është shumë prekëse historia e Danilos, me 31- vjeçarin që humbi jetën në spital vetëm pak çaste pasi telefonoi bashkëshorten e tij për t'i thënë se ishte mirë.
Këtij aksidenti i mbijetuan edhe 8 futbollistë të tjerë të Çapekoenses, të cilët për arsye të ndryshme nuk ishin grumbulluar nga trajneri Kaio Zhunior, mes tyre edhe sulmuesi argjentinas Alehandro Martinuço. Përveç 8 futbollistëve që nuk u grumbulluan për finalen e parë ndaj Atletiko Nacional, pati fatin t'i shpëtonte këtij aksidenti tragjik edhe djali i trajnerit Kaio Zhunior, talenti Mateus Saroli, i cili kishte harruar pasaportën dhe nuk mundi të udhëtonte me pjesën tjetër të skuadrës. Pamjet e marra në vendngjarje tregojnë avionin e shkatërruar dhe logon e skuadrës në një prej sendeve të gjetura në vendin e aksidentit. Nuk ka pasur asnjë shenjë karburanti në vendin e aksidentit dhe për momentin nuk përjashtohet asnjë hipotezë e mundshme për shkaqet e aksidentit. Merr fund në mënyrën më tragjike të mundshme ëndrra e një klubi si Çapekoense, që vinte nga një qytet i vogël si Çapeko në shtetin e Santa Katarinas dhe që në vitin 2009 militonte në kategorinë e 4- rt të futbollit brazilian.