Mandatet, KQZ i kërkon Prokurorisë dokumente shtesë
Beteja për tri mandatet, nuk mjafton informacioni për Selamin, Tahirin e Rroshin Korrigjimi i vetëdeklarimit, Tahiri shkresë Komisionit
Komisioni Qendror i Zgjedhjeve as pas dy orë diskutimesh nuk mundi dje të marrë një vendim për mandatet e deputetëve Selami, Tahiri dhe kryebashkiakut Rroshi, por kërkoi sërish kohë dhe dokumente shtesë nga Prokuroria. Njëherësh KQZ kërkon të ketë edhe të gjitha vendimet e dënimeve që kanë marrë dy deputetët dhe kryebashkiaku, për të cilët Prokuroria e Përgjithshme kërkon heqjen e mandatit. Anëtarët e këtij komisioni duan të dinë nga organi i akuzës bazën e dokumenteve mbi të cilat ka arritur në kërkesën për heqjen e mandatit të dy deputetëve, Dashamir Tahiri dhe Shkëlqim Selami dhe kryetarit të Bashkisë së Kavajës, Elvis Rroshi. Të tilla janë dokumentet që tregojnë për veprën për të cilën akuzohet i zgjedhuri, numri dhe data e marrjes së vendimit, data kur ai ka hyrë në fuqi. KQZ vetëm me 4 votat e mazhorancës vendosi që Prokuroria t’u vërë në dispozicion minimalisht numrin dhe datën e vendimeve përkatëse të gjykatave të subjekteve që do të verifikohen, kërkesë e cila nuk u pa e nevojshme nga përfaqësuesit e opozitës, të cilët votuan kundër. Po ashtu, të 7 anëtarët e KQZ- së ranë dakord me votë unanime që mbledhjen e djeshme ta vijojnë në datën 29 dhjetor. “E gjej korrekte propozimin e kolegut për t’i kërkuar Prokurorisë, unë nuk do të sugjeroja vendimet, minimalisht të dhënat mbi këto vendime”, deklaroi kreu i KQZ- së, Denar Biba. Gjatë seancës së djeshme u dëgjuan tre të e zgjedhur si palë në proces. Deputeti Shkëlqim Selami ishte i pranishëm personalisht në këtë mbledhje, ndërsa Dashamir Tahiri dhe Elvis Roshi përfaqësoheshin nga avokatët e tyre, Fatmir Braka dhe Theodhor Sollaku. Opozita kërkoi që KQZ vetëm të vendoste mbi përfundimet e Prokurorisë, ndërsa përfaqësuesi i mazhorancës bëri thir- rje për kujdes në vendimmarrje, sepse ky vendim do të caktojë edhe precedentin për këto raste. “Nga fakti nëse subjekti është apo jo brenda fushës së ndalimit të parashikuar nga ligji është kompetencë ekskluzive e Prokurorit të Përgjithshëm”, deklaroi përfaqësuesi i PD- së, Gazmend Bardhi. Kurse përfaqësuesi i PS- së, Genc Gjonçaj theksoi: “Kujdes i nderuar kryetar dhe anëtarë, është vendimmarrja e parë! Kjo vendimmarrje duhet të jetë serioze, pasi do të duhet të vendosë rregulla”. Kurse avokati i kryebashkiakut të Kavajës, z. Theodhori Sollaku bëri të ditur se KQZ- ja nuk mund të marrë vendim mbi mandatin e tij, pasi kjo është kompetencë e Këshillit të Ministrave. “Detyra e këtij Komisioni është vetëm ajo e konstatimit, sepse ne kemi një dispozitë kushtetuese, që parashikon se kryetarët e bashkive shkarkohen nga Këshilli i Ministrave”, deklaroi z. Sollaku. Ndërsa avokati i deputetit Dashamir Tahiri, Fatmir Braka u shpreh se klienti i tij akuzohet për kryerjen e një vepre penale që nuk përfshihet në veprat penale të specifikuara tek ligji i dekriminalizimit. Ai i kërkoi KQZ- së të mos marrë parasysh kërkesën e Prokurorisë për ndërprerjen e mandatit të deputetit Tahiri. Kurse avokati Genci Fiko, që përfaqësonte deputetin e LSI, Shkëlqim Selami tha se gjykata italiane e ka pushuar çështjen ndaj klientit të tij. Sipas avokatit, masa e sigurimit është marrë në 1994, është shuar në 2002 dhe ndalimi i Selamit në vitin 2006 ka qenë masë verifikimi. KQZ ka afat 10 ditë për të marrë një vendim lidhur me mandatet e funksionarëve. Nëse KQZ nuk e bën këtë, atëherë parlamenti mund t’ia heqë këtë të drejtë dhe t’ia kalojë Kushtetueses. Avokati i deputetit të LSI- së, Shkëlqim Selamit, z. Genci Fiko tha: “Gjykata italiane e ka pushuar çështjen. Klienti im nuk ndodhet në asnjë rast përpara nenit 2. Masa e sigurimit është marrë në 1994, është shuar në 2002 dhe në 2006 ndalimi i tij ka qenë masë verifikimi”.
KQZ ka afat 10 ditë për të marrë një vendim lidhur me mandatet e funksionarëve. Nëse KQZ nuk e bën këtë, atëherë parlamenti mund t’ia heqë këtë të drejtë dhe t’ia kalojë Kushtetueses.