Hetimi, Klement Balili rezulton i “varfër”

Kompleksi në Sarandë, pronë e vëllait të “Eskobarit”, hetim pasuror edhe për familjarët e personat e lidhur me të Në pronësi të tij është regjistruar vetëm një banesë

Klement Balili nuk di sponon prona dhe pasuri të paluajtshme, apo llogari bankare në shuma të mëdha parash. Ky është rezultati i hetimeve të deritanishme që janë kryer ndaj tij përsa i përket hetimit pasuror. Mësohet se ky hetim nga rreth dy javë që ka nisur, ndërsa nga hetimet paraprake të zhvilluara nga ana e prokurorisë ka rezultuar se Klement Balili, i cilësuar me nofkën “Eskobari i Ballkanit” në emrin e tij disponon pasuri modeste. Kështu, në emër të tij figuron e regjistruar vetëm një banesë. Ish- kreu i Transporteve të Sarandës është shpallur në kërkim ndërkombëtar, pasi akuzohet nga autoritetet greke se është kreu i një organizate kriminale, që trafikon drogë nga Shqipëria drejt vendeve të Bashkimit Europian. Pikërisht që nga ky moment, hetuesit e vendit tonë kanë nisur edhe hetimin pasuror ndaj të shumëkërkuarit. Hetimi pasuror ka nisur edhe ndaj familjarëve të tij, ndërsa ligji “Antimafia” lejon që të sekuestrohen edhe pronat e familjarëve apo të të afërmve të personit që është nën hetim.

HETIMI

Burime pranë prokurorisë bënë me dije se në sitën e hetuesve nuk kanë kaluar vetëm llogaritë bankare të Klement Balilit, por se hetimi pasuror është shtrirë edhe mbi familjarët e tij si dhe mbi të gjithë ata persona që kanë lidhje me të. Kështu, në sajë të këtij hetimi, është provuar se një kompleks luksoz në qytetin e Sarandës, për të cilin përflitej se ishte pronë e Balilit, nuk rezulton në pronësi të tij. Mësohet se pikërisht ky kompleks është pronë e të vëllait të Klement Balilit. Burime e sipërpërmendura thanë më tej se për shkak se ligji “Antimafia” lejon që të sekuestrohen edhe pronat e familjarëve apo të personave të tjerë që janë të lidhur me personin që po hetohet, hetuesit mund të kërkojnë edhe sekuestrimin e kompleksit në fjalë, që rezul-