Godina e re e Bashkisë së Tiranës, në bulevardin verior
Drejtori i urbanistikës, Baboçi: "Grimshaw" po bën edhe planin e detajuar të zonës Rama dhe Veliaj vendosin dy pllakat e para
Godina e re e Bashkisë së Tiranës, disa min istri, por edhe selitë e disa ambasadave, pritet që të ndërtohen në bulevardin e ri të Tiranës, ku ditën e djeshme në mënyrë simbolike kryeministri Edi Rama dhe kryebashkiaku Erion Veliaj vendosën dy pllakat e para të tij. Paralelisht me projektin e zgjatimit të bulevardit, bashkia po punon edhe për ndërtimin e një parkingu me kapacitet 300 vende, i cili do ta kthejë stacionin e vjetër të trenit në një zonë transporti urban qytetas. Ndërkohë që, në mes të këtij bulevardi do të ketë një park qendror. "Pas shumë viteve pauzë, në 500 ditë ne këtij projekti i kemi dhënë jetë. Kjo zonë do jetë një hapësirë zhvillimi. Ku ta gjejmë që në këtë zonë të kemi kullat e hoteleve me 5 yje. Sot kemi faktikisht kërkesa konkrete nga disa seli ambasadash që duan të spostohen këtu. Në të majtën time do të jetë edhe godina e re e Bashkisë së Tiranës", - theksoi kryebashkiaku Erion Veliaj.
PROJEKTI
"Grimshaw Architects", në bashkëpunim me administratën e bashkisë modifikoi projektin e bulevardit verior, duke i shtuar atij Parkun Qendror të Tiranës. Bulevardi verior do të krijojë një zgjatim natyral të bulevardit ekzistues, duke krijuar një arterie me gjatësi 1.600 m dhe gjerësi 70 m, me pikënisje nga ish- stacioni i trenit e përfundim te lumi i Tiranës. Ndërhyrja konsiston në punime inxhinierike, infrastrukturën nëntokësore, kanalizimet e ujërave të bardha dhe të zeza, rrjetin infrastrukturor në dy galeritë nëntokësore përgjatë seksionit të bulevardit, si dhe hapësirat për kalimtarët, transportin publik, ashtu si dhe bimësinë në të dyja anët e bulevardit. Gjithashtu, një komponent i rëndësishëm është edhe ndërtimi i parkimit nëntokësor, ku deri më tani janë kryer 90% të punimeve. Ditjon Baboci, Drejtori i Përgjithshëm i Urbanistikës në Bashkinë e Tiranës, gjatë prezantimit të projektit bëri të ditur se gjelbërimi do të ketë një rëndësi të madhe në këtë projekt dhe në gjithë zonën. "Jo vetëm parku qendror që do të ndërtohet në mes të bulevardit, por edhe në gjithë këtë zonë zhvillimi do t'i jepet rëndësi e madhe gjelbërimit. Studioja arkitekturore ' Grimshaw Architects' e cila do bëjë edhe planin e detajuar vendor të kësaj zone, do t'i kushtojë vëmendje pikërisht gjelbërimit, por edhe mënyrës se si do zhvillohet zona", - tha Baboçi. Kryebashkiaku Në pranverën e ardhshme, në mesin e muajit mars pritet të përurohen edhe disa nga projektet më të rëndësishme të Tiranës moderne, përfshi edhe parkingun nëntokësor në bulevardin e ri.
në fjalën e tij theksoj se ky bulevard do të shndërrohet në një pol të ri të kryeqytetit, pasi aty do të zhvendosen një pjesë e mirë e institucioneve qeveritare dhe zyrave administrative të qytetit. "Dua ta përdor në fakt edhe këtë mundësi publike, për t'i kërkuar kryeministrit që në analizën e ardhshme të rishpërndarjes së zyrave dhe administratës në Shqipëri, në Tiranë, ta konsiderojmë bulevardin e ri si një vend ideal për ministritë e ardhshme apo selitë e ardhshme", - tha Veliaj. Kryebashkiaku bëri të ditur se në pranverën e ardhshme pritet të përurohen edhe disa nga projektet më të rëndësishme të Tiranës moderne, përfshi edhe parkingun nëntokësor në bulevardin e ri. "Data e parë e rëndësishme është Dita e Verës, kur do të hapim disa nga projektet kryesore në Tiranë: Në 14 mars do hapim Pazarin e Ri, një projekt kyç, do hapim parkingjet në sheshin ' Skënderbej', edhe këtu në bulevardin e ri, që do të zgjidhë çështjen e parkimeve për qindra makina në Tiranë", - theksoi Veliaj.