Përzgjedhja, 14 kandidatë për Avokatin e Popullit

Mbyllen aplikimet, Lefterie Luzi dhe Genc Gjocaj duan postin e Avokatit të Popullit Kuvendi shpalli kriteret për të gjithë të interesuarit

Kandidatët për postin e Avokatit të Popullit kishin dje afatin e fundit për aplikimet, ndërkohë që kanë 14 emra hyjnë në garë si pasardhës të Igli Totozanit. Mes 14 aplikantëve bien në sy edhe emrat e zyrtarëve të lartë si ai i Genc Gjonçaj, i cili aktualisht është sekretar i përgjithshëm i Ministrisë së Brendshme, si dhe përfaqësues i PS në Komisionin Qendror të Zgjedhjeve. Po ashtu, mes kandidatëve është edhe ish- kryetarja e KQZ- së, Lefterie Luzi, e cila vetëm prej pak ditësh u emërua drejtoreshë në Kuvend. Ndërkohë, Igli Totozani kandidon sërish për postin që mban aktualisht në krye të institucionit të Avokatit të Popullit. Juristë të njohur kanë dorëzuar aplikimet pranë sekretares së përgjithshme të Kuvendit, për t’u bërë pjesë e garës, ndërsa pritet që emrat të kalojnë në seancë dëgjimore dhe të bëhet verifikimi i përmbushjes së kritereve në Komisionin parlamentar të Ligjeve. Në fazën e parë kishin aplikuar vetëm tre kandidatë për këtë post e kjo sipas socialistëve në Komisionin e Ligjeve kishte ndodhur për shkak se njoftimi i bërë nga shërbimi i Kuvendit nuk ishte i mjaftueshëm dhe sipas Ulsi Manjës, shumë persona nuk kanë mundur të bëhen pjesë e procesit. Në fund të dhjetorit 2016, më datë 28, Komisioni i Ligjeve vendosi që të rihapë procesin e aplikimeve për Avokatin e Popullit për një periudhë 20- ditore. Fillimisht Kuvendi i Shqipërisë shpalli të hapur garën për Avokatin e ri të Popullit të Shqipërisë në shtator të vitit të kaluar. Në faqen zyrtare të Kuvendit u ftuan të merrnin pjesë në garë për Avokat të Popullit të Republikës së Shqipërisë çdo shtetas shqiptar, i cili plotëson kushtet e parashikuara në nenin 3, të ligjit nr. 8454 datë 04.02.1999, “Për Avokatin e Popullit” i ndryshuar. Ndër kriteret kryesore për t’u

bërë pjesë e garës është që kandidati të jetë shtetas shqiptar. Bashkëlidhur kërkesave për dokumentacion, kandidatët duhet të firmosin para emërimit në detyrë dy deklarata mbi faktin nëse janë pjesë e partive politike dhe lidhur me konfliktin e interesave. Dokumentet dhe afati i paraqitjes së kandidatëve bëhet bren- Juristë të njohur kanë dorëzuar aplikimet pranë sekretares së përgjithshme të Kuvendit për t’u bërë pjesë e garës, ndërsa pritet që emrat të kalojnë në seancë dëgjimore dhe të bëhet verifikimi i përmbushjes së kritereve në Komisionin parlamentar të Ligjeve.

da 30 ditëve nga shpallja e këtij njoftimi. Kushtet për t’u zgjedhur Avokat i Popullit janë: Avokat i Popullit mund të jetë çdo person që plotëson këto kushte: a): të jetë shtetas shqiptar. b): të ketë njohuri dhe veprimtari të shquara në fushën e lirive dhe të drejtave të njeriut dhe të ligjit; c): të shquhet për aftësi profesionale dhe figure të pastër etiko- morale; ç): të mos jetë dënuar penalisht. d): të mos jetë deputet në legjislaturën e Kuvendit, që bën propozimin a zgjedhjen e tij. Kandidatëve u kërkohej vërtetim i gjendjes gjyqësore që nuk ka qenë i dënuar penalisht, plotësim dhe nënshkrimi i formularit vetëdeklarimi, sipas përcaktimeve të ligjit nr. 138/ 2015 “Për garantimin e integritetit të personave që zgjidhen, emërohen ose ushtrojnë funksione publike”, deklaratë që kandidati nuk është anëtar i partive politike, deklaratë që kandidati nuk është në konflikt interesi.