Meta në SHBA: Bashkë kundër terrorizmit
Kryetari i Kuvendit takon ndihmës- sekretarin amerikan për Sigurinë si dhe kreun e Ligjeve në Kongres “Trump do të bashkëpunojë ngushtë për të forcuar raportet me Shqipërinë”
Kryetari i Kuvendit, Ilir Meta mori dje garanci në Shtetet e Bashkuara të Amerikës se politika amerikane nuk do të ndryshojë ndaj Shqipërisë. Në vijim të vizitës së tij në SHBA, Meta u takua me ndihmës- sekretarin e Sigurisë Kombëtare, Alan Bersin. Gjatë takimit kokë më kokë, Meta e Bersin kanë diskutuar për forcimin e bashkëpunimit në fushën e sigurisë. Konkretisht, dy zyrtarët janë fokusuar tek kontrolli i kufijve përmes projekteve të reja, forcimi i bashkëpunimit kundër krimit të organizuar dhe terrorizmit. Zoti Bersin ka falënderuar Metën për forcimin e partneritetit, duke thënë se, “Shqipëria është një partnere e rëndësishme për SHBA”. Kryetari i Kuvendit, Ilir Meta u prit dje në takim edhe nga kryetari i Komisionit të Ligjeve dhe Procedurave në Kongresin Amerikan, Pete Sessions. Kongresmeni Sessions vlerësoi rëndësinë e miratimit të reformës në drejtësi. Ai nënvizoi mënyrën e miratimit të saj konsensuale dhe vlerësoi vendosmërinë e z. Meta për konsensus të plotë, duke konfirmuar se edhe administrata e re amerikane do të vazhdojë ta mbështesë Shqipërinë në implementimin përfundimtar të saj. “Kjo reformë - nënvizoi z. Sessions - i shërben jo vetëm ndërtimit të institucioneve të besueshme të drejtësisë, por edhe forcimit të sigurisë dhe stabilitetit afatgjatë të Shqipërisë. SHBA- të do të vazhdojnë të ndjekin nga afër dhe do të mbështesin angazhimin e Sh- “Ne në Shtetet e Bashkuara jemi të bindur se duke bashkëpunuar me shqiptarët, jo vetëm do të forcojmë Shqipërinë dhe rajonin, por do ta bënim botën edhe më të mirë. Unë besoj se Donald Trump do të bashkëpunojë ngushtë për t’i forcuar edhe më tej marrëdhëniet mes SHBA- ve dhe Shqipërisë”, tha kongresmeni Sessions.
qipërisë në luftën kundër krimit të organizuar, korrupsionit dhe do të jetë në krah të saj, si anëtare të NATO- s, në sfidat e tjera bashkëkohore”, konfirmoi kongresmeni Sessions. Një Amerikë më e fortë kërkon një Shqipëri të fortë, theksoi gjatë takimit Pete Sessions. Kryetari i Kuvendit të Shqipërisë, z. Meta uroi kongresmenin Sessions për rizgjedhjen e tij si kryetar i Komisionit të Ligjeve dhe Procedurave, për fitoren e mazhorancës së Partisë Republikane në Kongres e në Senat si dhe për fitoren e presidentit Trump. Ai e falënderoi kryetarin e Komisionit të Ligjeve dhe Procedurave për mbështetjen deritanishme të SHBA- ve dhe siguroi se Shqipëria është e vendosur të përmbushë në një kohë të shpejtë implementimin e plotë të reformës në drejtësi përmes zbatimit të ligjit të vetingut dhe krijimit të institucioneve të reja. Kreu i Kuvendit, Meta e siguroi z. Sessions për qëndrimin e palëkundur të Shqipërisë në përballjen e sfidave të përbashkëta dhe përmbushjen e detyrimeve të saj në partneritetin strategjik që ajo ka me SHBA- të. Gjithashtu, kryetari i Kuvendit, Meta e ftoi z. Sessions për një vizitë në Shqipëri, ftesë e cila u pranua me kënaqësi të veçantë. Në prononcimin pas takimit, kongresmeni Pete Sessions tha: “SHBA- të dëshirojnë që shqiptarët të kenë një të ardhme të lumtur, të jenë të suksesshëm dhe të kenë një jetë më të mirë. Ne në Shtetet e Bashkuara jemi të bindur se duke bashkëpunuar me shqiptarët, jo vetëm do të forcojmë Shqipërinë dhe rajonin, por do ta bënim botën edhe më të mirë. Unë besoj se Donald Trump do të bashkëpunojë ngushtë për t’i forcuar edhe më tej marrëdhëniet mes SHBAve dhe Shqipërisë. Jam i bindur se viti 2017 do të jetë i suksesshëm”, tha Sessions. Ndërsa kreu i Kuvendit, Ilir Meta u shpreh: “Ne mbështetemi te SHBA- të dhe do të punojmë për të forcuar edhe më tej marrëdhëniet mes dy vendeve tona, marrëdhëniet e shkëlqyera mes Kongresit Amerikan dhe Kuvendit të Shqipërisë. Njëkohësisht, jam i sigurt se vizita juaj e ardhshme në Shqipëri do të jetë shumë domethënëse dhe do të shërbejë për përmirësuar marrëdhëniet, duke ecur paralelisht me përpjekjet e administratës së re për të përforcuar partneritetin strategjik midis SHBA- ve dhe Shqipërisë”.