"21 janari", Garda përgjegjëse për 5 viktima
Avokati: Vrasjet erdhën nga Garda. Djali i Faik Myrtajt kreu vetëvrasje në kushte të rënda psikike Gjykata: Fajtore për vetëvrasjen e Bardhosh Myrtajt
Gjykata Administra tive e Tiranës, në lidhje me demonstratën e 21 janarit 2011 ka njohur si viktimë të pestë edhe Bardhosh Myrtajn, i cili i dha fund jetës tre muaj pasi i ati Faik Myrtaj u vra në bulevard. Për këtë arsye, gjyqtarja Silvi Gjonçaj shprehet se Garda e Republikës duhet të dëmshpërblejë familjarët e kësaj familjeje edhe për vetëvrasjen e 22vjeçarit, i cili ka qenë nën efektin e zisë patologjike. Avokati i familjarëve të viktimave të 21 janarit, Dorian Matlia shpjegon për "Top Channel" vendimin e dhënë.
"Konsideroj Gardën e Republikës fajtore, ekskluzivisht Gardën dhe jo Policinë e Shtetit, sepse vrasjet erdhën nga Garda. Gjykata ka njohur edhe viktimën e pestë, djali i Faik Myrtajt, që ka kryer një vetëvrasje në kushte të rënda psikike si pasojë e vrasjes së të atit. Prandaj, Garda do të paguajë dëmshpërblim jo vetëm për personat që i dimë, por edhe për një person të pestë", - deklaron Matlia.
Ndërkaq, vetëm dy ditë më parë qeveria miratoi një fond prej 160 milionë lekësh ose 1.2 milionë dollarësh për Gardën e Republikës, për dëmshpërblimin e familjeve të katër viktimave të 21 janarit të 6 viteve më parë. Ven- dimi u mor pas kërkesës së ministrit të Brendshëm, Saimir Tahiri, sipas të cilit, detyrimi i Gardës për të dëmshpërblyer familjarët e ' 21 janarit' rrjedh nga vendimet e Gjykatës Administrative të Shkallës së Parë, Tiranë. Për Partinë Socialiste, ngjarja në të cilën u vranë 4 protestues të pafajshëm, u quajt një krim shtetëror, dhe akuzuan drejtpërdrejt kryeministrin e atëhershëm Sali Berisha. Po ashtu, PS- ja gjatë kohës që ishte në opozitë u premtoi familjarëve të 4 viktimave edhe dhënien e drejtësisë.
Konkretisht, gjykata ka dëmshpërblyer trashëgimtarët e të ndjerit Faik Myrtaj, bashkëlidhur edhe për të birin e vetëvrarë; trashëgimtarët e Ziver Veizit; vëllezërit dhe motrat e të ndjerit Hekuran Deda dhe fëmijët e tij. Ndërkohë që "Konsideroj Gardën e Republikës fajtore, ekskluzivisht Gardën dhe jo Policinë e Shtetit, sepse vrasjet erdhën nga Garda. Gjykata ka njohur edhe viktimën e pestë, djali i Faik Myrtajt, që ka kryer një vetëvrasje në kushte të rënda psikike si pasojë e vrasjes së të atit." janë nën gjykim tri dosje të tjera për vëllezërit dhe motrat e Ziver Veizit, për të gjithë familjarët e të ndjerit Aleks Nika dhe vëllezërit e motrat e Faik Myrtajt. E kontaktuar nga "Top Channel", avokatja e familjarëve të të ndjerit Aleks Nika tha se, verdikti nga Gjykata Administrative pritet të shpallet në datën 30 janar, çka do të thotë sipas saj se, ata nuk janë përfshirë në vendimin e fundit të Këshillit të Ministrave për ' 21 janarin'.
Për ngjarjen e 21 janarit të 6 viteve më parë, përveç procesit penal në Shqipëri, ka edhe 7 procese civile dhe një tjetër në Strasburg për Aleks Nikën, vrasja e të cilit nuk ka ende autor.